Breaking News

బ్యాంకింగ్ రంగంలో కొత్త అధ్యాయం • చిన్న పరిశ్రమలకు కొత్త అవకాశాలు • బ్యాంకుకు వెళ్లాల్సిన పనిలేదు • చైనా, జపాన్‌లే మా టార్గెట్ • రూపాయి దూకుడు • సెన్సెక్స్‌కు షాక్.. నిఫ్టీకి నష్టాలు • స్థానిక ఎన్నికల షెడ్యూల్ విడుదల • థమన్ కోపం వచ్చిందా? సోషల్ మీడియాలో రచ్చ • రేవంత్ రెడ్డి మాస్టర్ ప్లాన్ • ఐసీసీ ర్యాంకింగ్స్‌లో భారత్ హవా.. శ్రేయస్ అయ్యర్ సంచలనం •

Districts - Medchal Malkajgiri

అన్నోజీగూడ ఫ్లైఓవర్‌ పై కారులో మంటలు

ఘట్ కేసర్: పోచారం ఐటీ కారిడార్ పోలీస్ స్టేషన్ పరిధిలోని అన్నోజీగూడ ఫ్లైఓవర్‌పై ఓ రెనాల్ట్ పెట్రోల్ కారు మంటల్లో చిక్కుకుంది. వరంగల్ ప్రాంతానికి చెందిన నలుగురు వ్యక్తులు కారులో ప్రయాణిస్తున్నట్లు ప్రాథమిక సమాచారం. అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తీసుకొచ్చేందుకు చర్యలు చేపట్టారు. ప్రమాదానికి గల కారణాలు, ప్రయాణికుల భద్రతపై పూర్తి వివరాలు తెలియాల్సి ఉంది.

14-10-2026 | 10:38pm

ఫోక్సో కేసులో నిందితుడికి మూడేళ్ల జైలు శిక్ష..

జవహర్ నగర్: జవహర్ నగర్ పోలీస్ స్టేషన్ పరిధిలో ఫోక్సో కేసులో నిందితుడు కలశెట్టి దినేష్ కుమార్ (20)కు మేడ్చల్ జిల్లా ఫోక్సో జడ్జి మూడేళ్ల జైలు శిక్ష, రెండు వేల రూపాయల జరిమానా విధించారు. ఎలక్ట్రీషియన్ గా పనిచేస్తున్న దినేష్ కుమార్ సంతోష్ నగర్ లో నివసిస్తున్నాడని ఎస్హెచ్ఓ సైదులు వెల్లడించారు. ఫాస్ట్ ట్రాక్ స్పెషల్ జడ్జి సత్వర విచారణ నిమిత్తం ఈ తీర్పు ఇచ్చారు.

14-10-2026 | 10:34pm

ఉన్నత విద్యా వ్యవస్థను... బలోపితం చేయడమే వర్క్ షాప్ లక్ష్యం

జవహర్ నగర్: బిట్స్ పిలానీ హైదరాబాద్ క్యాంపస్‌లో అక్టోబర్ 13 నుండి 15 వరకు మూడు రోజులపాటు 'లీడ్ అకాడమిక్ మిక్స్ ప్రోగ్రాం' ఘనంగా ప్రారంభమైంది. భారతదేశ ఉన్నత విద్యారంగంలో నాయకత్వ సామర్థ్యాలను మెరుగుపరచడమే లక్ష్యంగా ఈ శిక్షణ కార్యక్రమం నిర్వహించబడుతోంది. దేశవ్యాప్తంగా, దుబాయ్ నుండి ఎంపికైన 15 విద్యాసంస్థలకు చెందిన 31 మంది విద్యా నాయకులు ఇందులో పాల్గొంటున్నారు. విద్యావేత్తలను తీర్చిదిద్దడంలో బిట్స్ పిలానీ పాత్ర అమోఘమని నిర్వాహకులు వెల్లడించారు. ఈ కార్యక్రమం వికసిత భారత్ 2047 జాతీయ దార్శనికతకు అనుగుణంగా ఉందని పేర్కొన్నారు.

14-10-2026 | 08:43pm

గోరంత స్థాయితో... కొండంత అక్రమాలు

కుత్బుల్లాపూర్: దుండిగల్ సర్కిల్‌లో చైన్‌మెన్ తిరుపతి అక్రమ నిర్మాణాల నుండి లక్షల్లో వసూళ్లకు పాల్పడుతున్నట్లు ఆరోపణలు వెల్లువెత్తుతున్నాయి. గతంలో ఏసీబీ దాడులు జరిగినప్పటికీ, తిరుపతికి తిరిగి చైన్‌మెన్ బాధ్యతలు అప్పగించడంపై స్థానికులు, నిర్మాణదారులలో తీవ్ర చర్చ జరుగుతోంది. ఇతర చైన్‌మెన్‌లను బెదిరిస్తూ, అక్రమాలకు తానే శాసనం అన్నట్లు వ్యవహరిస్తున్నాడని, ఉన్నతాధికారులకు కూడా వాటాలు పంచుతున్నాడని తెలుస్తోంది. డిసికి తిరుపతిపై ఎందుకంత ప్రేమ అని ప్రశ్నలు తలెత్తుతున్నాయి.

14-10-2026 | 08:11pm

చండీ హోమం నిర్వహిస్తున్న భక్తులు

మేడిపల్లి, అక్టోబర్ 14 (విజయక్రాంతి): బోడుప్పల్ సర్కిల్ పరిధిలోని బుద్ధ నగర్ లో జై హనుమాన్ యూత్ అసోసియేషన్ ఆధ్వర్యంలో ఏర్పాటు చేసిన దుర్గామాత ఉత్సవాల్లో భాగంగా బుధవారం భక్తులు భవాని మాలధారణలో ఘనంగా చండీ హోమం నిర్వహించారు. ఈ సందర్భంగా నిర్వాహకులు మాట్లాడుతూ లోకకళ్యాణం కోసం, వర్షాలు సమృద్ధిగా కురవాలని కోరుతూ అమ్మవారికి ప్రత్యేక పూజలు, చండీ హోమం నిర్వహించారు.

14-10-2026 | 07:46pm

భార్యపై సుత్తితో దాడి.. హత్యాయత్నం కేసులో భర్త అరెస్ట్

మేడిపల్లి: పర్వతాపూర్‌లోని గాంధీనగర్ కాలనీకి చెందిన ఘౌస్ పాషా ఖురేషీ తన భార్య జైబున్ బేగంపై సుత్తితో దాడి చేసి తీవ్రంగా గాయపరిచిన ఘటనలో మేడిపల్లి పోలీసులు నిందితుడిని అరెస్ట్ చేశారు. అక్టోబర్ 11 తెల్లవారుజామున నిద్రిస్తున్న భార్యపై దాడి చేయగా, ఆమెకు తీవ్ర గాయాలయ్యాయి. బాధితురాలి సోదరుడి ఫిర్యాదు మేరకు కేసు నమోదు చేసి, దర్యాప్తులో భాగంగా నిందితుడిని అరెస్ట్ చేసినట్లు సిఐ జలంధర్ రెడ్డి వెల్లడించారు.

14-10-2026 | 07:41pm

ఎదులబాద్ డివిజన్ కాంగ్రెస్ జనరల్ సెక్రటరీగా డొంకెని శంకర్ గౌడ్

ఘట్ కేసర్, అక్టోబర్ 14 (విజయక్రాంతి) : ఘట్ కేసర్ సర్కిల్, ఎదులాబాద్ డివిజన్ కాంగ్రెస్ పార్టీ జనరల్ సెక్రటరీగా డొంకని శంకర్ గౌడ్ నియమితులయ్యారు. ఈ మేరకు బుధవారం నియామక పత్రాన్ని డిసిసి అధ్యక్షులు తోటకూర వజ్రేష్ యాదవ్ చేతుల మీదుగా శంకర్ గౌడ్ కు అందజేశారు.

14-10-2026 | 07:37pm

అనురాగ్ లో ఎన్‌ఎస్‌ఎస్ రక్తదాన శిబిరం

ఘట్ కేసర్: అనురాగ్ యూనివర్సిటీ ఎన్ఎస్ఎస్ సెల్ ఆధ్వర్యంలో జూబ్లీ హిల్స్ విఠల్, హెచ్‌డిఎఫ్‌సి బ్యాంక్ సహకారంతో రక్తదాన శిబిరం నిర్వహించారు. ఈ శిబిరంలో సుమారు 200 మంది స్వచ్ఛందంగా రక్తదానం చేశారు. స్కూల్ ఆఫ్ ఇంజినీరింగ్ డీన్ డాక్టర్ వి. విజయ కుమార్, ఎన్‌ఎస్‌ఎస్ సెల్ ప్రోగ్రామ్ కోఆర్డినేటర్ డాక్టర్ సి. మల్లేశ్ సమక్షంలో జరిగిన ఈ కార్యక్రమంలో విద్యార్థులు, వాలంటీర్ల సామాజిక బాధ్యతను అభినందించారు. మానవతా విలువలు, సమాజ సేవ పట్ల యువతలో అవగాహన పెంపొందించడం ఈ శిబిరం ప్రధాన ఉద్దేశ్యం అని వెల్లడించారు.

14-10-2026 | 07:21pm

పారిశుద్ధ్య కార్మికుల సేవలు అభినందనీయం..

జవహర్ నగర్: స్వచ్ఛ భారత్ కార్యక్రమంలో పారిశుద్ధ్య కార్మికుల సేవలు అమోఘమని మాజీ డిప్యూటీ మేయర్ రెడ్డి శెట్టి శ్రీనివాసగుప్త సతీమణి నాగరాణి గుప్తా పేర్కొన్నారు. మల్కాజ్‌గిరి మున్సిపల్ కార్పొరేషన్ పరిధిలోని జవహర్ నగర్‌లో సద్దుల బతుకమ్మ పండుగ సందర్భంగా పారిశుద్ధ్య మహిళా కార్మికులకు ఆమె చీరలు పంపిణీ చేశారు. నగరాన్ని పరిశుభ్రంగా ఉంచడంలో వారి కృషి అభినందనీయమని, వారి సేవలను గుర్తించి అండగా నిలవడం తమ బాధ్యత అని వెల్లడించారు.

14-10-2026 | 07:05pm

ఇందిరమ్మ ఇళ్ల పథకాన్ని అత్యంత ప్రతిష్టాత్మకంగా అమలు చేస్తున్నాం

ఘట్ కేసర్: రాష్ట్ర ప్రభుత్వం ఇందిరమ్మ ఇళ్ల పథకాన్ని అత్యంత ప్రతిష్టాత్మకంగా అమలు చేస్తుందని రాష్ట్ర రెవెన్యూ, గృహనిర్మాణ శాఖ మంత్రి పొంగులేటి శ్రీనివాస్ రెడ్డి వెల్లడించారు. మేడ్చల్ నియోజకవర్గం, పోచారం డివిజన్ పరిధిలోని అన్నోజిగూడలో ఇందిరమ్మ టవర్స్ నిర్మాణ పనులకు మంత్రులు పొంగులేటి శ్రీనివాస్ రెడ్డి, దుద్దిళ్ల శ్రీధర్ బాబు శంకుస్థాపన చేశారు. మొదటి విడతలో 4.50 లక్షల ఇళ్లను మంజూరు చేయగా, ఒక్కో ఇంటికి రూ.5 లక్షల ఆర్థిక సహాయం అందిస్తున్నట్లు తెలిపారు. మేడ్చల్ నియోజకవర్గంలో తొలి విడతగా 480 మంది లబ్ధిదారులను పారదర్శక డ్రా ద్వారా ఎంపిక చేసినట్లు పేర్కొన్నారు. వచ్చే బతుకమ్మ పండుగ నాటికి ఇళ్లను పూర్తి చేసి అందజేయడమే లక్ష్యమని మంత్రి తెలిపారు.

14-10-2026 | 07:03pm

రాఘవేంద్ర నగర్‌లో అభివృద్ధి పనులకు ప్రాధాన్యం

ఉప్పల్: హెచ్‌ఎంటీ నగర్ డివిజన్‌లోని శ్రీ రాఘవేంద్ర నగర్ కాలనీలో రూ.13 లక్షల వ్యయంతో చేపట్టిన మంచినీటి పైప్‌లైన్ నిర్మాణ పనులను బీఆర్‌ఎస్ రాష్ట్ర నాయకులు సాయిజెన్ శేఖర్ బుధవారం పర్యవేక్షించారు. కాలనీలో ఇప్పటికే భూగర్భ డ్రైనేజీ పనులు పూర్తయ్యాయని, మంచినీటి పైప్‌లైన్ పనులు పూర్తయిన వెంటనే సిమెంట్ రోడ్ల నిర్మాణ పనులు కూడా ప్రారంభించనున్నట్లు ఆయన వెల్లడించారు. ప్రజల సమస్యల పరిష్కారానికి ప్రాధాన్యత ఇస్తున్నామని పేర్కొన్నారు.

14-10-2026 | 03:53pm

అసాంఘిక కార్యక్రమాలకు అడ్డా..?

కూకట్‌పల్లి: కేపీహెచ్‌బీలోని మలేషియన్ టౌన్‌షిప్ రెయిన్ ట్రీ పార్క్ వద్ద పాదచారుల కోసం ఏర్పాటు చేసిన ఫుట్ ఓవర్ బ్రిడ్జి నిర్వహణ లోపంతో అసాంఘిక కార్యకలాపాలకు అడ్డగా మారింది. లిఫ్టులు పనిచేయకపోవడం, అపరిశుభ్రత, లైటింగ్ లేకపోవడంతో వృద్ధులు, మహిళలు, దివ్యాంగులు రోడ్డు దాటలేక ఇబ్బందులు పడుతున్నారు. రాత్రి వేళల్లో గంజాయి, మద్యం సేవించే వారికి ఇది స్థావరంగా మారిందని స్థానికులు ఆరోపిస్తున్నారు. స్వచ్ఛ భారత్ అభియాన్ ప్రతినిధులు సమస్యలను పరిశీలించి అధికారుల దృష్టికి తీసుకెళ్తామని హామీ ఇచ్చారు.

14-10-2026 | 05:05am

ఇందిరమ్మ ఇండ్ల టవర్స్ నిర్మాణానికి శంకుస్థాపన చేయనున్న మంత్రులు

ఘట్‌కేసర్: మేడ్చల్ జిల్లా, ఘట్‌కేసర్ సర్కిల్, పోచారం డివిజన్ పరిధిలోని అన్నోజీగూడ ఎల్ఐజి కాలనీ సమీపంలో బుధవారం ఉదయం 11 గంటలకు ఇందిరమ్మ ఇండ్ల టవర్స్ నిర్మాణానికి తెలంగాణ ప్రభుత్వం, తెలంగాణ హౌసింగ్ బోర్డు ఆధ్వర్యంలో శంకుస్థాపన కార్యక్రమం నిర్వహించనున్నారు. ఈ కార్యక్రమానికి రాష్ట్ర రెవెన్యూ, గృహ నిర్మాణం, సమాచార, ప్రజా సంబంధాల శాఖల మంత్రి పొంగులేటి శ్రీనివాస రెడ్డి, మేడ్చల్ జిల్లా ఇన్‌చార్జి మంత్రి దుద్దిళ్ల శ్రీధర్ బాబు ముఖ్య అతిథులుగా హాజరుకానున్నారని తెలిసింది.

13-10-2026 | 11:08pm

ఘనంగా దుర్గామాత కుంకుమార్చన

మేడిపల్లి: బోడుప్పల్ సర్కిల్ పరిధిలోని పర్వతాపూర్ సీపీఆర్ఐ రోడ్డు లక్ష్మీనగర్ కాలనీలోని శ్రీ విజయ దుర్గామాత మండపంలో మంగళవారం సామూహిక కుంకుమార్చన పూజా కార్యక్రమం భక్తిశ్రద్ధలతో నిర్వహించారు. అమ్మవారికి ప్రత్యేక పూజలు, కుంకుమార్చనల అనంతరం భక్తులకు మహా అన్నప్రసాద వితరణ కార్యక్రమం ఏర్పాటు చేశారు. ముదిగొండ సరిత-రమేష్ దంపతులు ఈ అన్నదాన కార్యక్రమానికి దాతలుగా వ్యవహరించినట్లు తెలిసింది. ఈ కార్యక్రమంలో ఆలయ కమిటీ సభ్యులు, స్థానిక కాలనీ వాసులు, భక్తులు పెద్ద సంఖ్యలో పాల్గొన్నారు.

13-10-2026 | 11:02pm