Districts

Breaking News

మేడ్చల్ జిల్లా కోర్టు భవనానికి శంకుస్థాపన • మట్టి గణేష్ పెడుతున్నారా?.. హరీష్ రావు 'బంపర్ ఆఫర్' • ఢిల్లీ పిలుపు.. కేబినెట్ పదవా.. కీలక బాధ్యతా..? • ఎర్రచందనం స్మగ్లర్ల బీభత్సం • జాతీయ రహదారిపై లారీ దగ్ధం • గ్రీన్‌ఫీల్డ్ హైవేపై రోడ్డు ప్రమాదం: ఇద్దరు మృతి • పరిగిలో రైతుల దీక్ష భగ్నం • విజయక్రాంతి ఎఫెక్ట్ .. బెజ్జూర్ ఎస్సై అటాచ్..! • లారీని ఢీకొన్న ఆటో.. ముగ్గురు స్పాట్ మృతి • మానుకోటను ముంచెత్తిన వర్షం •

Districts - Siddipet

వెంచర్‌ అంటే వ్యాపారం కాదు.. సామాజిక బాధ్యత

గజ్వేల్‌, సెప్టెంబర్13: ఎన్‌సీఆర్‌ ద్వారక వెంచర్‌లో వినాయక చవితి ఉత్సవాలను పురస్కరించుకుని శ్రీ సిద్ధి వినాయక మండపాన్ని ఆదివారం వైభవంగా ప్రారంభించారు. కీర్తిశేషులు ఎన్‌సీ రాజయ్య జ్ఞాపకార్థం ఏర్పాటు చేసిన మండపాన్ని మున్సిపల్‌ మాజీ చైర్మన్‌ ఎన్‌సీ రాజమౌళి పూజలు నిర్వహించి ప్రారంభించారు. ఈ సందర్భంగా ఆయన మాట్లాడుతూ వెంచర్‌ అంటే కేవలం వ్యాపారం కాదని, సామాజిక బాధ్యతతో కాలనీవాసుల ఆధ్యాత్మిక, సాంస్కృతిక వికాసానికి ప్రాధాన్యం ఇస్తున్నామని తెలిపారు. సిద్దిపేట జిల్లా కబడ్డీ అసోసియేషన్‌ అధ్యక్షుడు ఎన్‌సీ సంతోష్‌ మాట్లాడుతూ ద్వారక వెంచర్‌ను ఆదర్శ కాలనీగా తీర్చిదిద్దుతున్నామని అన్నారు. కార్యక్రమంలో ఉప్పల మెట్టయ్య, ఎన్‌సీ చంద్రశేఖర్‌, ప్రధాన కార్యదర్శి సంతోష్‌, కోశాధికారి కనకయ్య, రాజశ్రీ అపార్ట్‌మెంట్‌ సభ్యులు, ఫ్రెండ్స్‌ ఫర్‌ యూ అసోసియేషన్‌, లయన్స్‌ క్లబ్‌, ఆర్యవైశ్య నాయకులు, కాలనీవాసులు పాల్గొన్నారు.

13-09-2026 | 08:54pm

జాతీయ లోక్ అదాలత్ కు అనూహ్య స్పందన

సిద్దిపేట జిల్లా వ్యాప్తంగా శనివారం నిర్వహించిన జాతీయ లోక్ అదాలత్ లో 36 సివిల్, 7,549 క్రిమినల్, 28 మోటార్ వాహన ప్రమాద బీమా కేసులు రాజీ ద్వారా పరిష్కారమయ్యాయి. శనివారం సిద్దిపేట జిల్లా కోర్టుతోపాటు దుబ్బాక, గజ్వేల్, చేర్యాల, హుస్నాబాద్ కోర్టుల్లో నిర్వహించిన లోక్ అదాలత్ కార్యక్రమాల ద్వారా రూ. కోటి 34 లక్షల 5 వేలు మేరకు రాజీ కుదిరింది.

13-09-2026 | 01:23am

రాజీనే రాజమార్గం.. 2020 కేసులకు పరిష్కారం

రాజీ మార్గం ద్వారా కేసులను పరిష్కరించుకోవడం వల్ల సమయం, ఖర్చు ఆదా కావడంతో పాటు ఇరుపక్షాలకు న్యాయం జరుగుతుందని ప్రిన్సిపల్‌ జూనియర్‌ సివిల్‌ జడ్జి మూల స్వాతి గౌడ్‌ అన్నారు. శనివారం గజ్వేల్‌ కోర్టు ఆవరణలో నిర్వహించిన లోక్‌ అదాలత్‌లో అన్ని రకాల కేసులు కలిపి 2,020 కేసులకు పరిష్కారం లభించిందని తెలిపారు. ఇదే క్రమంలో 13 ఏళ్లుగా వేర్వేరుగా జీవిస్తున్న అహ్మదీపూర్‌కు చెందిన అండె లక్ష్మి, తొగుట మండలం లింగంపేటకు చెందిన అండె ఆంజనేయులు లోక్‌ అదాలత్‌లో రాజీపడి కుటుంబ వివాదానికి ముగింపు పలికారు.

13-09-2026 | 01:05am

36 ఏళ్లుగా దైవసేవలో శ్రీ వెంకటేశ్వర భజన మండలి

ఆకునూరు గ్రామానికి చెందిన శ్రీ వెంకటేశ్వర భజన మండలి(Sri Venkateswara Bhajan Mandali) గత 36 సంవత్సరాలుగా నిరంతరం దైవ సేవలో భజనలు చేస్తూ భక్తులను భక్తి పారవశ్యంలో ముంచెత్తుతోంది.గ్రామంలోని రామాలయం, శివాలయం వేదికగా ప్రతి శనివారం, ఏకాదశి, సోమవారం భజన కార్యక్రమాలు నిర్వహిస్తున్నారు. శ్రావణమాసం(Sravana Masam) సందర్భంగా గత నెల రోజులుగా ప్రత్యేక భజనలు చేస్తున్నారు.

13-09-2026 | 12:40am

రాజీవ్‌ రహదారిపై విద్యుత్‌ కోసం రైతుల ధర్నా

వ్యవసాయానికి 12 గంటల నిరంతర విద్యుత్‌ సరఫరా చేయాలని డిమాండ్‌ చేస్తూ శనివారం బందారం, అంకిరెడ్డిపల్లి, దర్గా, రాంపల్లి, దుద్దెడ గ్రామాలకు చెందిన రైతులు దుద్దెడ విద్యుత్‌ సబ్‌స్టేషన్‌ వద్ద రాజీవ్‌ రహదారిపై ధర్నా నిర్వహించారు. అనంతరం విద్యుత్‌ శాఖ ఏఈ సత్యంకు వినతిపత్రం అందజేశారు. ఈ సందర్భంగా ఏఈ సత్యం డీఈతో మాట్లాడామని, ఆదివారం నుంచి పాత పద్ధతి ప్రకారం విద్యుత్‌ సరఫరా చేస్తామని హామీ ఇచ్చారు.

13-09-2026 | 12:21am

రోగులకు మెరుగైన వైద్య సేవలు అందించాలి

బెజ్జంకి మండల కేంద్రంలోని ప్రాథమిక ఆరోగ్య కేంద్రాన్ని జిల్లా కలెక్టర్ ఆకస్మికంగా సందర్శించి రోగులకు అందించే వైద్య సేవలను క్షేత్రస్థాయిలో పరిశీలించారు. అటెండెన్స్ రిజిస్టర్, ఓపి రిజిస్టర్ తనిఖీ చేశారు. మెడికల్ ఆఫీసర్ నుంచి కిందిస్థాయి సిబ్బంది వరకు సమయ వేళలు పాటిస్తున్నారా అని ఆరా తీశారు. 24/7 ఆసుపత్రి కావున రోగులకు ఎల్లప్పుడూ అందుబాటులో ఉంటూ మెరుగైన వైద్య సేవలు అందించాలని వైద్య సిబ్బంది ఆదేశించారు. సీజనల్ వ్యాధులకు సంబంధించి మలేరియా, డెంగ్యూ కేసులు వివరాలను ఏఎన్ఎం, సూపర్ వైజర్లతో ఆరా తీశారు.

12-09-2026 | 11:31pm

మీసేవ నిర్వాహకుల హక్కులపై రాజీలేని పోరాటం

మీసేవ నిర్వాహకుల హక్కుల పరిరక్షణే ధ్యేయంగా తెలంగాణ మీసేవ ఫెడరేషన్ రాజీలేని పోరాటాలు చేస్తోందని ఫెడరేషన్ రాష్ట్ర అధ్యక్షుడు బైర శంకర్ స్పష్టం చేశారు.శనివారం సిద్దిపేటలో నిర్వహించిన తెలంగాణ మీసేవ ఫెడరేషన్ జిల్లా సమావేశానికి ఆయన ముఖ్యఅతిథిగా హాజరై మాట్లాడారు. మీసేవ నిర్వాహకులకు ఏ కష్టం వచ్చినా ఆదుకోవడానికి ఫెడరేషన్ ఎల్లప్పుడూ ముందుంటుందని భరోసా ఇచ్చారు.

12-09-2026 | 11:10pm

విధుల్లో ప్రతిభ చూపిన తొమ్మిదిగురికి సీపీ ప్రశంస

శాంతిభద్రతల పరిరక్షణ, నేరాల నియంత్రణలో ప్రతిభ కనబరిచిన 9 మంది పోలీసులను సీపీ రష్మీ పెరుమాళ్ అభినందించారు. ప్రతివారం విధినిర్వహణలో అద్భుతమైన ప్రతిభ కనబరిచిన పోలీస్ అధికారులు, సిబ్బందిని గుర్తించి 'సీపీ కనెక్ట్' కార్యక్రమంలో భాగంగా సీపీ ప్రశంసిస్తున్నారు.

12-09-2026 | 10:43pm

'సురక్షిత సిద్దిపేట' సాధనకు కృషి చేయాలి

ప్రజల్లో నమ్మకం పెంచేలా పోలీసింగ్ ఉండాలని, అందరూ కలిసికట్టుగా పనిచేసి 'సురక్షిత సిద్దిపేట' సాధనకు కృషి చేయాలని సీపీ రష్మి పెరుమాళ్ పిలుపునిచ్చారు. సిద్దిపేట మహిళా పోలీస్ స్టేషన్ అధికారులు, సిబ్బందితో సీపీ శనివారం ప్రత్యేక సమీక్ష సమావేశం నిర్వహించారు. ఈ సందర్భంగా పోలీసు స్టేషన్‌కు వచ్చే ఫిర్యాదుదారులు, బాధితులతో వ్యవహరించే తీరు, అవగాహన కార్యక్రమాలు, మహిళా రక్షణ చర్యలపై సిబ్బందికి పలు కీలక సూచనలు చేశారు.

12-09-2026 | 08:12pm

నిబంధనలు కచ్చితంగా పాటించాలి

వినాయక నవరాత్రి ఉత్సవాలను ప్రశాంత వాతావరణంలో పూర్తయ్యేలా నిర్వాహకులు, వలంటీర్లు ఎల్లప్పుడూ పోలీసులతో సమన్వయం పాటిస్తూ సహకరించాలని సిద్దిపేట పోలీస్ కమిషనర్ రష్మీ పెరుమాళ్ కోరారు. శనివారం గణేష్ మండప నిర్వాహకులతో ప్రత్యేక సమీక్షా సమావేశం నిర్వహించారు. ఈ సందర్భంగా ఉత్సవాల నిర్వహణ, శోభాయాత్ర, నిమజ్జన కార్యక్రమాలపై పలు కీలక సూచనలు, మార్గదర్శకాలు జారీ చేశారు. ఉత్సవాల నిర్వాహకులు ముందుగానే గణేష్ మండపం వివరాలు, నిమజ్జనం తేదీ, శోభాయాత్ర రూట్ వివరాలను తెలంగాణ పోలీస్ పోర్టల్ ద్వారా కచ్చితంగా నమోదు చేసుకోవాలని సూచించారు.

12-09-2026 | 08:00pm

ఆదివాసీ నాయకత్వాన్ని బలోపేతం చేయాలి

సిద్దిపేట, రూరల్,సెప్టెంబర్‌ 12 (విజయక్రాంతి): తెలంగాణ ఆదివాసీ కాంగ్రెస్‌ ఆధ్వర్యంలో రాష్ట్రంలోని 33 జిల్లాల ఎస్టీ సెల్‌ అధ్యక్షుల నియామక ప్రక్రియలో భాగంగా ఆసిఫాబాద్‌, మంచిర్యాల, సిద్దిపేట జిల్లాల్లో దరఖాస్తుల స్వీకరణ కార్యక్రమం నిర్వహించారు. జిల్లా, తాలూకా స్థాయి పదవులపై ఆదివాసీ నాయకులకు అవగాహన కల్పించి దరఖాస్తు ఫారాలను స్వీకరించారు.

12-09-2026 | 06:43pm

నాణ్యమైన విద్యుత్ కోసం రైతుల ధర్నా

నంగునూరు, సెప్టెంబర్ 12 (విజయక్రాంతి): నంగునూరు మండల పరిధిలోని కొండంరాజుపల్లి విద్యుత్ సబ్ స్టేషన్ వద్ద శనివారం రైతులు రోడ్డెక్కి ఆందోళన చేపట్టారు. 24 గంటల ఉచిత విద్యుత్ అందించాలని డిమాండ్ చేస్తూ సబ్ స్టేషన్ ఎదుట బైఠాయించారు. ఈ ధర్నాలో స్థానిక బిఆర్ఎస్ నాయకులు పాల్గొని రైతులకు మద్దతు తెలిపారు. ప్రభుత్వానికి వ్యతిరేకంగా పెద్దపెట్టున నినాదాలు చేశారు. వ్యవసాయానికి కోతలు లేకుండా నిరంతరం కరెంట్ ఇవ్వాలని, లేకపోతే ఆందోళనలను మరింత ఉద్ధృతం చేస్తామని హెచ్చరించారు.

12-09-2026 | 09:39am

అటవీ అమరవీరుల త్యాగం చిరస్మరణీయం

ములుగులోని అటవీ కళాశాల, పరిశోధనా సంస్థలో శుక్రవారం జాతీయ అటవీ అమరవీరుల దినోత్సవాన్ని(National Forest Martyrs Day) నిర్వహించారు. అడవులు, వన్యప్రాణులు, సహజ వనరుల పరిరక్షణలో విధి నిర్వహిస్తూ ప్రాణత్యాగం చేసిన అటవీ సిబ్బందికి ఘన నివాళులు అర్పించారు. కళాశాల డీన్‌ బి. ప్రవీణ, ఐఎఫ్‌ఎస్‌ మాట్లాడుతూ అటవీ అమరవీరుల దినోత్సవం ప్రాధాన్యతను వివరించారు.

11-09-2026 | 11:51pm

ఎర్రవల్లిలో అలజడి సృష్టించే యత్నం

ప్రజలను రక్షించాల్సిన ముఖ్యమంత్రి రేవంత్‌రెడ్డి.. తెలంగాణ తొలి ముఖ్యమంత్రి కేసీఆర్‌ నివాసం ఎర్రవల్లిలో అలజడి సృష్టించేలా వ్యవహరించారని గజ్వేల్‌ బీఆర్‌ఎస్‌ ఇన్‌చార్జి వంటేరు ప్రతాప్‌రెడ్డి ఆరోపించారు. ఈ మేరకు బీఆర్‌ఎస్‌ మండల అధ్యక్షుడు కరుణాకర్‌రెడ్డితో కలిసి శుక్రవారం మర్కుక్‌ ఎస్‌ఐ యూనస్‌ మహమ్మద్‌ అలీకి ఫిర్యాదు చేశారు.

11-09-2026 | 11:47pm