Districts

Breaking News

మేడ్చల్ జిల్లా కోర్టు భవనానికి శంకుస్థాపన • మట్టి గణేష్ పెడుతున్నారా?.. హరీష్ రావు 'బంపర్ ఆఫర్' • ఢిల్లీ పిలుపు.. కేబినెట్ పదవా.. కీలక బాధ్యతా..? • ఎర్రచందనం స్మగ్లర్ల బీభత్సం • జాతీయ రహదారిపై లారీ దగ్ధం • గ్రీన్‌ఫీల్డ్ హైవేపై రోడ్డు ప్రమాదం: ఇద్దరు మృతి • పరిగిలో రైతుల దీక్ష భగ్నం • విజయక్రాంతి ఎఫెక్ట్ .. బెజ్జూర్ ఎస్సై అటాచ్..! • లారీని ఢీకొన్న ఆటో.. ముగ్గురు స్పాట్ మృతి • మానుకోటను ముంచెత్తిన వర్షం •

Districts - Jangaon

డబుల్ బెడ్రూం ఇండ్లు లబ్ధిదారులకే ఇవ్వాలి - సీపీఎం దీక్ష

జనగామ, సెప్టెంబర్ 13 (విజయక్రాంతి): మూడవ విడత ఇందిరమ్మ స్థలాల్లో కట్టిన డబుల్ బెడ్రూం ఇండ్లను 72 మంది అసలైన లబ్ధిదారులకే ఇవ్వాలని డిమాండ్ చేస్తూ సీపీఎం ఆధ్వర్యంలో జనగామలో రిలే నిరాహార దీక్షలు ప్రారంభమయ్యాయి. దీక్షలను సీపీఎం జిల్లా కమిటీ సభ్యులు సుంచు విజేందర్ ప్రారంభించారు. 2012లో 1144 మందికి ఇందిరమ్మ పట్టాలు ఇచ్చినా రుణాలు ఇవ్వకపోవడంతో ఇల్లు కట్టుకోలేకపోయారని, 2023లో 72 మందికి డ్రా తీసి డబుల్ బెడ్రూం ఇండ్లు కేటాయించినా ఇప్పటివరకు అప్పగించలేదని విజేందర్ ఆరోపించారు. వెంటనే ఇండ్లు కేటాయించాలని డిమాండ్ చేశారు.

13-09-2026 | 08:46pm

జలమయంగా మారుతున్న ప్రధాన రహదారి.. పట్టించుకోని పాలకవర్గం

తరిగొప్పుల,సెప్టెంబర్ 13(విజయక్రాంతి): జనగామ జిల్లా తరిగొప్పుల మండల కేంద్రంలోని ప్రధాన రహదారి అయిన జనగామ - హుస్నాబాద్ రోడ్డు చినుకు పడితే చాలు జలమయంగా మారుతోందని ప్రజలు, వాహనదారులు ఆవేదన వ్యక్తం చేస్తున్నారు. మండల కేంద్రానికి వెళ్లే ప్రధాన దారి కావడంతో నిత్యం వందలాది వాహనాలు ఈ రోడ్డు మీదుగా రాకపోకలు సాగిస్తుంటాయి. అయితే రోడ్డు పక్కన సరైన మురికి కాలువలు లేకపోవడం, రోడ్డు గుంతలమయంగా మారడంతో కొద్దిపాటి వర్షం కురిసినా నీరు రోడ్డుపై నిలిచిపోతోంది.

13-09-2026 | 04:31pm

15వ వార్డులో ప్రమాదకరంగా మారిన మురికి కాలువ

జనగామ, సెప్టెంబర్ 13 (విజయక్రాంతి): జనగామ జిల్లా కేంద్రంలోని 15వ వార్డులో ఉన్న మురికి కాలువ ప్రజలకు ప్రమాదకరంగా మారింది. కాలువ శిథిలావస్థకు చేరి, ఎప్పుడు కూలుతుందో తెలియని పరిస్థితిలో ఉందని, అయినా సంబంధిత అధికారులు పట్టించుకోవడం లేదని వార్డు ప్రజలు తీవ్ర ఆవేదన వ్యక్తం చేస్తున్నారు. ఈ మురికి కాలువ పైకప్పు లేకుండా, పగుళ్లు వచ్చి ప్రమాదకరంగా ఉంది. రోజూ పాఠశాలకు వెళ్లే చిన్నారులు, వృద్ధులు ఈ కాలువ పక్క నుండే నడవాల్సి వస్తోంది. రాత్రి వేళల్లో ద్విచక్ర వాహనదారులు కాలువను గమనించక ప్రమాదాలకు గురవుతున్నారు

13-09-2026 | 02:54pm

నూతన మార్కెట్ ను సద్వినియోగం చేసుకోవాలి

జనగామ, సెప్టెంబర్ 13 (విజయక్రాంతి): జనగామ పురపాలక పరిధిలోని సంజయ్ నగర్ లో నూతనంగా నిర్మించిన మార్కెట్ ను ఆదివారం మున్సిపల్ చైర్పర్సన్ కడకంచి బాలమణి శ్రీనివాస్,కమిషనర్ చిమ్ముల రాజశేఖర్ రెడ్డి సంయుక్తంగా సందర్శించారు. మార్కెట్ లో పారిశుధ్యం, తాగునీరు, విద్యుత్ దీపాలు, మరుగుదొడ్లు వంటి మౌలిక వసతులను పరిశీలించి, మార్కెట్ ను పరిశుభ్రంగా నిర్వహించాలని సిబ్బందికి సూచించారు.వ్యాపారులు రోడ్లపై కాకుండా నూతన మార్కెట్ లోనే వ్యాపారాలు నిర్వహించేలా చర్యలు తీసుకుంటున్నామని తెలిపారు.

13-09-2026 | 02:28pm

విద్య, వైద్యం, ఉపాధి అంశాలను చర్చాంశాలుగా చేర్చాలి

జనగామ, సెప్టెంబర్ 13 (విజయక్రాంతి): జనగాం జిల్లాలో ఈ నెల 15వ తేదీన జరగనున్న దిశా సమావేశంలో జిల్లా అభివృద్ధికి సంబంధించిన విద్య, వైద్యం, ఉపాధి అంశాలను చర్చాంశాలుగా చేర్చాలని నాగరత్న సేవా సంఘం అధ్యక్షుడు బిర్రు ఇస్తారి వరంగల్ లోక్ సభ సభ్యురాలు, జనగాం జిల్లా దిశా కమిటీ అధ్యక్షురాలు కడియం కావ్య దృష్టికి తీసుకెళ్లి వినతి పత్రం అందజేశారు. దీనిపై కడియం కావ్య సానుకూలంగా స్పందించారు. జనగాంకు మంజూరైన అత్యాధునిక సాంకేతిక కేంద్రానికి త్వరితగతిన శంకుస్థాపన చేయాలని తెలిపారు.

13-09-2026 | 12:41pm

ఘనంగా TRSMA ఉత్తమ ఉపాధ్యాయ అవార్డులు

జనగామ జిల్లా TRSMA ఆధ్వర్యంలో ఉత్తమ ఉపాధ్యాయుల అవార్డు వేడుకలు,జనగామ-సూర్యాపేట రోడ్డులోని భ్రమరాంబ ఫంక్షన్ హాల్‌లో ఘనంగా జరిగాయి. జిల్లాలోని 60 పాఠశాలల నుండి 120 మంది ఉత్తమ ఉపాధ్యాయులను సత్కరించారు. రాష్ట్ర అధ్యక్షులు సదుల మధుసూదన్ మాట్లాడుతూ ఉపాధ్యాయుల భద్రతకు ప్రత్యేక పాఠశాల పరిరక్షణ చట్టం తీసుకురావాలని డిమాండ్ చేశారు.

13-09-2026 | 01:01am

మహిళలు, బాలికల భద్రతపై అవగాహన సదస్సు

జనగామ పట్టణంలోని ఎస్.సి. హాస్టల్‌లో షీ టీమ్ ఆధ్వర్యంలో మహిళలు, బాలికల భద్రతపై అవగాహన కార్యక్రమం నిర్వహించారు. ఎస్సై లలిత ఆధ్వర్యంలో జరిగిన ఈ కార్యక్రమంలో POCSO చట్టం, మహిళా రక్షణ చట్టాలు, సైబర్ నేరాలు, T-Safe యాప్ వినియోగంపై అవగాహన కల్పించారు. వ్యక్తిగత వివరాలు, OTPలు అపరిచితులతో పంచుకోవద్దని, ఏవైనా వేధింపులు ఎదురైతే వెంటనే 100 / షీ టీమ్‌ను సంప్రదించాలని సూచించారు.

12-09-2026 | 07:23pm

పేదల ఇళ్లు పేదలకే ఇవ్వాలి: సిపిఎం రాష్ట్ర కార్యదర్శి జాన్ వెస్లీ

జనగామలో మూడో విడత ఇందిరమ్మ స్థలాలను, జంట పడక గదుల ఇళ్లను సిపిఎం రాష్ట్ర కార్యదర్శి జాన్ వెస్లీ పరిశీలించారు. ఈ సందర్భంగా ఆయన మాట్లాడుతూ.. 2012లో 1144 మంది పేదలకు పట్టాలు ఇచ్చి వదిలేశారని, పేదలు అప్పులు చేసి ఇళ్లు కట్టుకుంటే కనీస సౌకర్యాలు కల్పించలేదని అన్నారు. 2019లో అధికారులే లేఅవుట్ వేసి, 2023లో 72 మందికి డ్రా తీసి ఇళ్లు కేటాయించారని, ఇప్పుడు మళ్లీ డ్రా అనడం సరికాదని అన్నారు. పేదల ఇళ్లను పేదలకే ఇవ్వాలని డిమాండ్ చేశారు.

11-09-2026 | 10:57pm

అభివృద్ధిని ఓర్వలేక చైర్ పర్సన్ పై కక్ష సాధింపు

జనగామ పురపాలక అభివృద్ధిని జీర్ణించుకోలేక బిఆర్ఎస్ పార్టీ కౌన్సిలర్ కడమంచి బాలమణిపై కక్షపూరిత చర్యలకు పాల్పడుతున్నారని కాంగ్రెస్ నాయకులు తీవ్రంగా మండిపడ్డారు. జిల్లా కేంద్రంలోని కాంగ్రెస్ కార్యాలయంలో ఏర్పాటు చేసిన విలేకరుల సమావేశంలో వారు మాట్లాడుతూ.. జనగామ పట్టణంలో గతంలో ఎన్నడూ లేనంత వేగంగా అభివృద్ధి పనులు జరుగుతున్నాయని తెలిపారు. తాగునీటి సరఫరా, పారిశుధ్య పనులు, రహదారుల నిర్మాణం, వీధి దీపాల ఏర్పాటు వంటి అనేక పనులు మున్సిపల్ చైర్ పర్సన్ చొరవతో జరుగుతున్నారు.

11-09-2026 | 07:48pm

దళిత, మైనార్టీ కౌన్సిలర్లకు చిన్నచూపు ఎందుకు?

జనగామ మున్సిపల్ చైర్ పర్సన్ కడమంచి బాలమణి దళిత, మైనార్టీ కౌన్సిలర్ల పట్ల అవమానకరంగా, చులకనగా వ్యవహరిస్తున్నారని కౌన్సిలర్లు ఆరోపించారు. ప్రజా సమస్యలపై మాట్లాడేందుకు వెళ్లిన తమను గౌరవించకుండా "మీకు తలకాయ ఉందా?" అంటూ అవమానకరంగా మాట్లాడారని ఆవేదన వ్యక్తం చేశారు. ఇలాంటి వివక్షపూరిత వైఖరి ఇదే మొదటిసారి కాదని, గతంలో కూడా పలుమార్లు ఇదే తరహాలో ప్రవర్తించారని తెలిపారు.

10-09-2026 | 06:18pm

ఘనంగా ఎంపీ అనిల్ కుమార్ యాదవ్ పుట్టినరోజు వేడుకలు

హైదరాబాద్ లోని ఎమ్మెల్యే క్వార్టర్స్, ఆదర్శ్ నగర్ లో ఎంపీ మందాడి అనిల్ కుమార్ యాదవ్ పుట్టినరోజు వేడుకలు ఘనంగా నిర్వహించారు. ఈ సందర్భంగా జనగామ వ్యవసాయ మార్కెట్ కమిటీ చైర్మన్ బనుక శివరాజ్ యాదవ్ శాలువాతో సత్కరించి పుట్టినరోజు శుభాకాంక్షలు తెలియజేశారు.

09-09-2026 | 06:50pm

సోషల్ మీడియా మెసేజ్ లతో సస్పెన్షన్ ఏంటి?

జనగామ జిల్లా కేంద్రంలోని ఎమ్మెల్యే కార్యాలయంలో మున్సిపల్ మాజీ చైర్మన్ ప్రేమలత రెడ్డి అధ్యక్షతన బిఆర్ఎస్ పార్టీ కౌన్సిలర్ల విలేకరుల సమావేశం నిర్వహించారు. కౌన్సిల్ హాల్ లో నిబంధనలకు విరుద్ధంగా అసభ్యకరంగా మాట్లాడితే చర్యలు తీసుకోవచ్చు కానీ, బయట సోషల్ మీడియాలో వచ్చే సందేశాలను సాకుగా చూపి ఎలాంటి నోటీసు, విచారణ లేకుండా ఏకపక్షంగా సస్పెండ్ చేయడం అప్రజాస్వామికమని, ప్రజాస్వామ్య విరుద్ధమని పేర్కొన్నారు.

09-09-2026 | 06:34pm

సర్పంచుల హక్కులు, గ్రామాల అభివృద్ధి కోసం కలెక్టర్ కు వినతి

జనగాం జిల్లాలోని అన్ని గ్రామాల సర్పంచుల తరఫున గ్రామాల అభివృద్ధి, సర్పంచుల హక్కులు, గ్రామ పంచాయతీల సమస్యల పరిష్కారం కోసం బుధవారం రోజున జిల్లా కలెక్టర్ కి వినతిపత్రం అందజేశారు. గ్రామ ప్రజలకు అత్యంత దగ్గరగా పనిచేసే ప్రజాప్రతినిధులు సర్పంచులేనన్నారు. గ్రామంలో ఏ సమస్య వచ్చినా ప్రజలు ముందుగా సర్పంచులను ఆశ్రయిస్తారని, అయితే సర్పంచులకు సరైన అధికారాలు, నిధులు, విధుల్లో తగిన ప్రాధాన్యత లేకపోవడం వల్ల అభివృద్ధి పనులకు ఇబ్బందులు ఎదురవుతున్నాయని తెలిపారు.

09-09-2026 | 05:52pm

అనుమతి లేని పార్కింగ్ దాబాలపై చర్యలు తీసుకోవాలి

జనగామ మున్సిపల్ కౌన్సిల్ సాధారణ సమావేశంలో మూడో వార్డు కౌన్సిలర్ బూడిద జ్యోతి గోపి పలు సమస్యలను లేవనెత్తారు. డబల్ బెడ్ రూమ్ డ్రా లిస్టులో అనర్హులు ఉన్నారని, పునఃపరిశీలించి అర్హులకు ఇవ్వాలని, తోపుడుబండ్లు పాడైపోయాయని కొత్తవి ఇవ్వాలని, ఎస్ డి ఎఫ్ రూ.5 లక్షలు, రోడ్లు-మోరీల కోసం రూ.1.50 కోటి మంజూరైనా కాంట్రాక్టర్లు పనులు చేయడం లేదని వెంటనే ప్రారంభించాలని కోరారు.

08-09-2026 | 10:07pm