Districts

Breaking News

మేడ్చల్ జిల్లా కోర్టు భవనానికి శంకుస్థాపన • మట్టి గణేష్ పెడుతున్నారా?.. హరీష్ రావు 'బంపర్ ఆఫర్' • ఢిల్లీ పిలుపు.. కేబినెట్ పదవా.. కీలక బాధ్యతా..? • ఎర్రచందనం స్మగ్లర్ల బీభత్సం • జాతీయ రహదారిపై లారీ దగ్ధం • గ్రీన్‌ఫీల్డ్ హైవేపై రోడ్డు ప్రమాదం: ఇద్దరు మృతి • పరిగిలో రైతుల దీక్ష భగ్నం • విజయక్రాంతి ఎఫెక్ట్ .. బెజ్జూర్ ఎస్సై అటాచ్..! • లారీని ఢీకొన్న ఆటో.. ముగ్గురు స్పాట్ మృతి • మానుకోటను ముంచెత్తిన వర్షం •

Districts - Nizamabad

జంగంగల్లీలో భక్తిశ్రద్ధలతో శ్రావణమాస ఉద్దీపన కార్యక్రమం

బోధన్ పట్టణంలోని జంగం గల్లీలో గల పురాణే మఠం ఆధ్వర్యంలో నిర్వహించిన శ్రావణమాస ఉద్దీపన కార్యక్రమం భక్తిశ్రద్ధలతో ఘనంగా జరిగింది. పురాణే అజయ్ కుమార్ ఆధ్వర్యంలో సమాజ ప్రముఖులు సిద్ధి లింగప్ప మహారాజు, సంతోష్ మహారాజ్ సుంకిని సానిధ్యంలో, అర్చకులు జంగం శివరాజప్ప చే కార్యక్రమం ప్రారంభమైంది. కార్యక్రమానికి మహారాష్ట్రలోని తామ్లూర్‌కు చెందిన షటస్థల బ్రహ్మ 108 శ్రీశ్రీశ్రీ శివానంద శివాచార్య మహారాజ్ విచ్చేశారు. పౌడయ్య రాజేందర్, అంబెల్లి వీరప్ప దంపతులు స్వామివారికి పాదపూజ నిర్వహించారు.

12-09-2026 | 10:54pm

భక్తి భావంతో ఉత్సవాలు నిర్వహించాలి

ఇందూరు, సెప్టెంబర్ 11 (విజయక్రాంతి): వినాయక మండపాల నిర్వాహకులు, యువ త ఉత్సవాలను భక్తి భావంతో నిర్వహించాలని అర్బన్ ఎమ్మెల్యే ధన్‌పాల్ సూర్యనారాయణ(MLA Dhanpal Suryanarayana) తెలిపారు. ధన్‌పాల్ లక్ష్మీబాయి విఠల్ గుప్తా చారిటబుల్ ట్రస్టు ఆధ్వర్యంలో శుక్రవారం నగరంలోని మార్వాడి గల్లిలోని కార్యాలయంలో వినాయక ఉత్సవ నిర్వాహకులకు చందాలను రాశారు.

12-09-2026 | 04:20am

వినాయక విగ్రహాల నిమజ్జన స్థలాన్ని పరిశీలించిన బోధన్ ఆర్డీఓ

బోధన్, సెప్టెంబర్ 11 (విజయ క్రాంతి): బోధన్ పట్టణంలోని పశువుల వాగు వద్ద ఏర్పాటు చేయనున్న వినాయక విగ్రహాల నిమజ్జన స్థలాన్ని ఆర్డీఓ ఎం. విజయకుమారి, మున్సిపల్ కమిషనర్ జాదవ్ శుక్రవారం పరిశీలించారు. నిమజ్జన కార్యక్రమానికి సంబంధించి చేపట్టాల్సిన ఏర్పాట్లపై అధికారులు సమీక్షించారు. నిమజ్జన సమయంలో ఎలాంటి అవాంఛనీయ ఘటనలు జరగకుండా పటిష్టమైన భద్రతా చర్యలు చేపట్టాలని ఆర్డీఓ సూచించారు.

11-09-2026 | 01:16pm

సాలూర మండల పరిషత్‌ సమావేశానికి అధికారుల డుమ్మా!

బోధన్, సెప్టెంబర్ 11 (విజయక్రాంతి): సాలూర మండల పరిషత్‌ కార్యాలయంలో శుక్రవారం నిర్వహించిన సర్వసభ్య సమావేశానికి కీలక శాఖల అధికారులు గైర్హాజరు కావడంపై సభ్యులు అసంతృప్తి వ్యక్తం చేశారు. మొత్తం 22 అంశాలపై చర్చ జరిగింది. గ్రామ పంచాయతీల అభివృద్ధి, 15వ ఆర్థిక సంఘం నిధులు, పారిశుద్ధ్యం, విద్యుత్‌, వ్యవసాయం, విద్య, వైద్యం, రెవెన్యూ, ఉపాధి హామీ తదితర అంశాలు ప్రస్తావనకు వచ్చాయి. ప్రజా సమస్యల పరిష్కారానికి అధికారులు బాధ్యతాయుతంగా స్పందించాలని సభ్యులు కోరారు.

11-09-2026 | 01:07pm

నడవలేని స్థితిలో జీవనం.. పెన్షన్ ఇప్పించండి

బోధన్, సెప్టెంబర్ 11 (విజయక్రాంతి): సాలూర మండల కేంద్రంలోని సాయి నగర్ కాలనీకి చెందిన గుండ్ల రాజన్న నడవలేని స్థితిలో తీవ్ర ఇబ్బందులు ఎదుర్కొంటూ జీవనం సాగిస్తున్నారు. అనారోగ్యం, శారీరక వైకల్యం కారణంగా స్వయంగా నడవలేని పరిస్థితిలో ఉండటంతో రోజువారీ అవసరాలు తీర్చుకోవడం కూడా కష్టంగా మారిందని ఆయన ఆవేదన వ్యక్తం చేశారు. ఆర్థికంగా తీవ్ర ఇబ్బందులు ఎదుర్కొంటున్న తనకు ఇప్పటివరకు ప్రభుత్వం నుంచి ఆసరా/వికలాంగుల పెన్షన్ మంజూరు కాలేదని రాజన్న తెలిపారు.

11-09-2026 | 08:34am

సైబర్ మోసాలపై సిబ్బందికి అవగాహన

నిజామాబాద్, సెప్టెంబర్ 9 (విజయక్రాంతి): ది నిజామాబాద్ జిల్లా సహకార కేంద్ర బ్యాంక్ లిమిటెడ్ (Nizamabad District Cooperative Central Bank Limited) ప్రధాన కార్యాలయంలో గురువారం సైబర్ సెక్యూరిటీపై అవగాహన కల్పించారు. సైబర్ క్రైమ్ ఎస్ఐ రవి నాయుడు హాజరై సైబర్ నేరాలు, ఆన్‌లైన్ మోసాలు, వాటి పట్ల తీసుకోవాల్సిన జాగ్రత్తలపై సిబ్బందికి అవగాహన కల్పించారు.

11-09-2026 | 05:25am

దశాబ్దాల కల నెరవేరేనా..?

ఆదిలాబాద్‌ నుంచి ఆర్మూర్, డిచ్‌పల్లి మీదుగా సికింద్రాబాద్‌ రైల్వే లైన్‌ దశాబ్దాల కల సాకారం దిశగా అడుగులు వేయకపోవడంతో ఆదిలాబాద్, నిర్మల్‌ జిల్లాలతో పాటు ఆర్మూర్‌ ప్రాంత ప్రజలు తీవ్ర అసంతృప్తికి గురవుతున్నారు. కాగా ఆదిలాబాద్‌ నుంచి ఆర్మూర్‌ మీదుగా పటాన్‌చెరు వరకు 317 కిలో మీటర్ల రైలు మార్గం నిర్మాణానికి కేంద్ర ప్రభుత్వం గతంలోనే గ్రీన్‌ సిగ్నల్‌ ఇచ్చింది.

10-09-2026 | 11:24pm

దశాబ్దాల కల నెరవేరేనా..?

ఆర్మూర్, సెప్టెంబర్ 10 (విజయక్రాంతి): ఆదిలాబాద్ నుంచి ఆర్మూర్, డిచ్పల్లి మీదుగా సికింద్రాబాద్ రైల్వే లైన్ దశాబ్దాల కల సాకారం దిశగా అడుగులు వేయకపోవడంతో ఆదిలాబాద్, నిర్మల్ జిల్లాలతో పాటు ఆర్మూర్ ప్రాంత ప్రజలు తీవ్ర అసంతృప్తికి గురవుతున్నారు.

11-09-2026 | 05:30am

నిజాంసాగర్ పోలీస్ స్టేషన్ ను తనిఖీ చేసిన జిల్లా ఎస్పీ రాజేష్ చంద్ర

కామారెడ్డి జిల్లా నిజాంసాగర్ పోలీస్ స్టేషన్ ను జిల్లా ఎస్పీ రాజేష్ చంద్ర గురువారం నాడు ఆకస్మికంగా తనిఖీ చేశారు. గణేష్ ఉత్సవాలను పకడ్బందీగా నిర్వహించాలని, శాంతి భద్రతల పరిరక్షణలో నిక్కచ్చిగా వ్యవహరించాలన్నారు.విధుల్లో నిర్లక్ష్యం వహించకుండా పనిచేయాలని సూచించారు.

10-09-2026 | 09:52pm

బోధన్ డివిజన్‌లో నేరాల నియంత్రణకు పటిష్ట చర్యలు

బోధన్ డివిజన్ పరిధిలో నేరాల నియంత్రణకు పటిష్టమైన చర్యలు చేపట్టాలని నిజామాబాద్ పోలీస్ కమిషనర్ పి. సాయి చైతన్య, ఐపీఎస్ పోలీసు అధికారులను ఆదేశించారు. బోధన్ సర్కిల్ కార్యాలయంలో గురువారం బోధన్ డివిజన్ పరిధిలో పెండింగ్‌లో ఉన్న కేసుల పురోగతి, శాంతిభద్రతలు, నేరాల నియంత్రణపై సమగ్ర సమీక్ష సమావేశం నిర్వహించారు. సమావేశంలో బోధన్ ఏసీపీ పి. శ్రీనివాస్, సీసీఆర్‌బీ ఏసీపీ గురునాయుడు, సీసీఆర్‌బీ ఇన్‌స్పెక్టర్ ఆర్. అంజయ్యతో పాటు సీఐలు, ఎస్‌హెచ్‌ఓలు, ఎస్‌ఐలు, సంబంధిత అధికారులు పాల్గొన్నారు.

10-09-2026 | 08:17pm

ఉపాధ్యాయుల సేవలు చిరస్మరణీయం

సెప్టెంబర్ 5 ఉపాధ్యాయ దినోత్సవాన్ని పురస్కరించుకొని బోధన్ ప్రైవేటు పాఠశాలలు, కళాశాలల యాజమాన్యాల సంఘం (ట్రస్మా) ఆధ్వర్యంలో ఆచార్యదేవోభవ–2026 కార్యక్రమాన్ని ఘనంగా నిర్వహించారు. బోధన్ పట్టణంలోని ఇందూరు హైస్కూల్‌లో జరిగిన ఈ కార్యక్రమానికి జిల్లా విద్యాశాఖ అధికారి పార్శి అశోక్ ముఖ్యఅతిథిగా హాజరయ్యారు. బోధన్ మండల విద్యాశాఖ అధికారి ఏ. నాగయ్య, సాలూర మండల విద్యాశాఖ అధికారిణి రాజీ మంజూష విశిష్ట అతిథులుగా పాల్గొన్నారు.

10-09-2026 | 07:59pm

బోధన్‌లో డీఎంహెచ్‌ఓపై స్కానింగ్ సెంటర్ నిర్వాహకుల దురుసు ప్రవర్తన

బోధన్ పట్టణంలో గురువారం జిల్లా వైద్య ఆరోగ్యశాఖ అధికారి (డీఎంహెచ్‌ఓ) రాజశ్రీ పలు స్కానింగ్ సెంటర్లు, నర్సింగ్‌హోమ్‌లు, ఆసుపత్రులను ఆకస్మికంగా తనిఖీ చేశారు. ఈ సందర్భంగా శ్రీకృష్ణ స్కానింగ్ సెంటర్‌లో తనిఖీలు నిర్వహిస్తుండగా సెంటర్ నిర్వాహకులు, ఓ వైద్యుడు విధులకు ఆటంకం కలిగించే విధంగా వ్యవహరించినట్లు డీఎంహెచ్‌ఓ తెలిపారు.

10-09-2026 | 04:36pm

వినాయక చవితి ఉత్సవాల ఏర్పాట్లపై కమిషనర్‌కు వినతి

బోధన్ సెప్టెంబర్ 10 (విజయక్రాంతి): భారతీయ జనతా పార్టీ గురు వారం రోజున బోధన్ పట్టణ శాఖ ఆధ్వర్యంలో రానున్న వినాయక చవితి ఉత్సవాల సందర్భంగా పట్టణ పరిధిలోని 38 వార్డులలో శానిటేషన్, దెబ్బతిన్న రోడ్ ల మరమ్మత్తు, గణేష్ మండపాల వద్ద అన్నదాన కార్యక్రమాలు జరిగినపుడు మంచినీటి వ్యవస్థ, బోధన్, శక్కర్ నగర్, పసుపు వాగు వద్ద నిమజ్జన సమయంలో ఇబ్బందుల ఎదురుకాకుండా క్రేన్ ల ఏర్పాటు, బైపాస్ ప్రాంతంలో లైట్ల ఏర్పాటు, జూనియర్ కళాశాల వద్ద ఉన్న బావి చుట్టూ ఫెన్సింగ్ మరియు జాలి ఏర్పాటు గురించి బోధన్ మున్సిపల్ కమిషనర్ కి వినతి పత్రం సమర్పించారు.

10-09-2026 | 03:32pm

దళిత స్పీకర్‌పై వ్యాఖ్యలకు నిరసన

బోధన్, సెప్టెంబర్ 10 (విజయక్రాంతి): రాష్ట్ర శాసనసభాపతి గడ్డం ప్రసాద్ కుమార్‌పై బీఆర్ఎస్ నేతలు తాతా మధు, హరీశ్ రావు, కేటీఆర్ చేసిన అనుచిత వ్యాఖ్యలను నిరసిస్తూ బోధన్‌లో NSUI, యూత్ కాంగ్రెస్ నాయకులు ఆందోళన చేపట్టారు. అంబేద్కర్ చౌరస్తాలో వినూత్న రీతిలో నిరసన తెలిపి, అనంతరం డా. బీఆర్ అంబేద్కర్ విగ్రహానికి పాలాభిషేకం చేసి పూలమాలలు వేశారు. దళిత సమాజాన్ని అవమానించేలా వ్యాఖ్యలు చేసిన బీఆర్ఎస్ నాయకులు వెంటనే బహిరంగ క్షమాపణ చెప్పాలని, లేనిపక్షంలో ఆందోళనలు ఉధృతం చేస్తామని హెచ్చరించారు. కార్యక్రమంలో NSUI అధ్యక్షుడు అనిల్ కుమార్, యూత్ కాంగ్రెస్ మండల అధ్యక్షుడు యాగ్నేశ్, రంజిత్, ప్రకాశ్, విట్టల్, మధు తదితరులు పాల్గొన్నారు.

10-09-2026 | 12:57pm