బీసీ బాలుర వసతిగృహంలో సమస్యల తిష్ట...?
బాన్సువాడ, సెప్టెంబర్ 3 (విజయక్రాంతి): కామారెడ్డి జిల్లా బాన్సువాడ పట్టణంలోని చైతన్య కాలనీలోని బీసీ బాలుర వసతిగృహంలో విద్యార్థులకు కనీస వసతులు కరువవుతున్నాయనే ఆరోపణలు వినిపిస్తున్నాయి. బుధవారం రాత్రి విజయక్రాంతి విజిట్ చేసింది. వసతిగృహంలోని కిటికీలకు తలుపులకు బదులుగా అట్టలు,దుప్పట్లు ఏర్పాటు చేయడం, బాత్రూంల తలుపులు విరిగిపోయి ఉండటం వంటి సమస్యలు విద్యార్థులను ఇబ్బందులకు గురిచేస్తున్నాయని విద్యార్థులు,తల్లిదండ్రులు ఆవేదన వ్యక్తం చేస్తున్నారు.మరోవైపు విద్యార్థులకు అందించే భోజనంపై కూడా అసంతృప్తి వ్యక్తమవుతోంది. ‘వండామా.. పెట్టామా’ అన్న చందంగా భోజనం అందిస్తున్నారన్న విమర్శలు వ్యక్తమవుతున్నాయి.
03-09-2026 | 10:27am
3 September, 2026 | 1:07 PM 
