Districts

Breaking News

మేడ్చల్ జిల్లా కోర్టు భవనానికి శంకుస్థాపన • మట్టి గణేష్ పెడుతున్నారా?.. హరీష్ రావు 'బంపర్ ఆఫర్' • ఢిల్లీ పిలుపు.. కేబినెట్ పదవా.. కీలక బాధ్యతా..? • ఎర్రచందనం స్మగ్లర్ల బీభత్సం • జాతీయ రహదారిపై లారీ దగ్ధం • గ్రీన్‌ఫీల్డ్ హైవేపై రోడ్డు ప్రమాదం: ఇద్దరు మృతి • పరిగిలో రైతుల దీక్ష భగ్నం • విజయక్రాంతి ఎఫెక్ట్ .. బెజ్జూర్ ఎస్సై అటాచ్..! • లారీని ఢీకొన్న ఆటో.. ముగ్గురు స్పాట్ మృతి • మానుకోటను ముంచెత్తిన వర్షం •

Districts - Kamareddy

రామేశ్వర్‌పల్లి, అయ్యవారిపల్లిలో కాంగ్రెస్‌ నూతన కమిటీల ఎన్నిక

భిక్కనూర్, సెప్టెంబర్‌ 13 (విజయ క్రాంతి): భిక్కనూర్‌ మండలం రామేశ్వర్‌పల్లి, అయ్యవారిపల్లి గ్రామాల్లో ఆదివారం కాంగ్రెస్‌ పార్టీ నూతన కమిటీలను ఎన్నుకున్నారు. రామేశ్వర్‌పల్లిలో నిర్వహించిన కార్యక్రమానికి టీపీసీసీ జనరల్‌ సెక్రటరీ, పీఏసీఎస్‌ చైర్మన్‌ బద్దం ఇంద్రకరణ్‌రెడ్డి, జిల్లా గ్రంథాలయ సంస్థ చైర్మన్‌ మద్ది చంద్రకాంత్‌రెడ్డి ముఖ్య అతిథులుగా హాజరయ్యారు. మండల కాంగ్రెస్‌ అధ్యక్షుడు నరేందర్‌రెడ్డి, యూత్‌ కాంగ్రెస్‌ అధ్యక్షుడు శ్రీరామ్‌ వెంకటేష్‌ ఆధ్వర్యంలో నూతన కమిటీని ఏర్పాటు చేశారు. గ్రామ కాంగ్రెస్‌ అధ్యక్షుడిగా మద్ది కృష్ణారెడ్డి ఏకగ్రీవంగా ఎన్నికయ్యారు. మండల జనరల్‌ సెక్రటరీగా బత్తిని రాజేందర్‌, రామేశ్వర్‌పల్లి యూత్‌ కాంగ్రెస్‌ అధ్యక్షుడిగా ఒల్లెపు శశికుమార్‌, బీసీ సెల్‌ అధ్యక్షుడిగా ధర్మస్వామి, ఎస్సీ సెల్‌ అధ్యక్షుడిగా గడ్డం లింగం, కిసాన్‌ సెల్‌ అధ్యక్షుడిగా పైల్ల రమేష్‌రెడ్డిని నియమించారు.

13-09-2026 | 08:49pm

పెద్దమల్లారెడ్డిలో ఉచిత మట్టి గణపతుల పంపిణీ

భిక్కనూర్, సెప్టెంబర్‌ 13(విజయ క్రాంతి): భిక్కనూర్‌ మండలం పెద్దమల్లారెడ్డి గ్రామంలో ఛత్రపతి శివాజీ ఫౌండేషన్‌ ఆధ్వర్యంలో ఉచిత మట్టి గణపతుల పంపిణీ కార్యక్రమాన్ని ఘనంగా నిర్వహించారు. కార్యక్రమానికి ఫౌండేషన్‌ వ్యవస్థాపకుడు పెరుమాళ్లు గౌడ్‌ ముఖ్య అతిథిగా హాజరై భక్తులకు మట్టి వినాయక విగ్రహాలను పంపిణీ చేశారు. ఈ సందర్భంగా ఆయన మాట్లాడుతూ.. ప్లాస్టర్‌ ఆఫ్‌ పారిస్‌ విగ్రహాలకు బదులుగా మట్టి గణపతులను ప్రతిష్ఠించడం ద్వారా పర్యావరణ పరిరక్షణకు తోడ్పడవచ్చన్నారు.

13-09-2026 | 02:42pm

వినాయకుని నామాల్లో దాగిన ఆధ్యాత్మిక రహస్యం

దోమకొండ, సెప్టెంబర్ 13: వినాయక చవితి సందర్భంగా గణపతి వివిధ నామాల వెనుక ఉన్న ఆధ్యాత్మిక, తాత్విక అర్థాలను లెక్చరర్ ఉమాశేషారావు వైద్య వివరించారు. వాతాపి గణపతి ప్రాణశక్తికి, ఉచ్చిష్ట గణపతి అక్షరజ్ఞానానికి, మహాగణపతి సర్వదేవతల సమన్వయానికి ప్రతీకలని తెలిపారు. లక్ష్మీ గణపతి వ్యక్తిలోని సామర్థ్యానికి, నాట్య గణపతి ఆనందానికి, హేరంబ గణపతి శుభనాదానికి ప్రతీకలని వివరించారు. గణపతి నామంలోనే విశ్వతత్వం దాగి ఉందన్నారు.

13-09-2026 | 01:41pm

విద్యుత్ కోతలపై కన్నెర్ర

అప్రకటిత వి ద్యుత్ కోతలతో పంటలు ఎండిపోతున్నాయని రైతులు ఆవేదన వ్యక్తం చేస్తూ.. శనివా రం రాష్ట్రంలోని పలు ప్రాంతాల్లో రాస్తారోకోలు, సబ్ స్టేషన్ల ఎదుట నిరసనలు వ్యక్తం చేశారు. పంటలు ఎండుతున్న విద్యుత్ అధికారులు పట్టించుకోవడంలేదని రైతులు ఆరోపించారు.

13-09-2026 | 05:05am

గురుకులంలో సమస్యలపై స్పందించిన కౌన్సిలర్ హకీం

కామారెడ్డి జిల్లా బాన్సువాడ మండలం కోయగుట్ట గురుకులంలో నెలకొన్న సమస్యలపై వార్డ్ కౌన్సిలర్ హకీం స్పందించారు.గురుకులంలో సమస్యలపై ఇటీవల విజయ క్రాంతి దినపత్రికలో ప్రచురితమైన వరుస కథనాలపై ఆయన స్పందించారు. శనివారం కొయ్యగుట్ట గురుకుల కళాశాలలో పర్యటించి స్థానిక ప్రిన్సిపాల్ లక్ష్మీబాయి, సిబ్బంది, బోధన, బోధ నేతర సిబ్బందితో మాట్లాడారు. వాతావరణంలో నెలకొంటున్న మార్పుల దృష్ట్యా సీజనల్ వ్యాధులు కళాశాలలో నెలకొన్న నీటి ఎద్దడి, అపరిశుభ్రత, భోజనం ఏర్పాట్ల పై ప్రిన్సిపాల్ ని అడిగి తెలుసుకున్నారు.

13-09-2026 | 12:10am

సర్పంచ్‌కు సమాచారం లేకుండా రేషన్ కార్డుల పంపిణీ?

మండలంలోని ధర్మారెడ్డి గ్రామంలో స్మార్ట్ రేషన్ కార్డుల పంపిణీ కార్యక్రమం సర్పంచ్‌కు ఎలాంటి సమాచారం ఇవ్వకుండా నిర్వహించడంపై వివాదం నెలకొంది. గ్రామ ప్రథమ పౌరుడిగా ఎన్నికైన సర్పంచ్‌కు సమాచారం ఇవ్వకుండా కాంగ్రెస్ నాయకుల ఆధ్వర్యంలో రేషన్ కార్డులు పంపిణీ చేయడం ఏమిటని ప్రశ్నిస్తూ బీఆర్‌ఎస్‌కు చెందిన గ్రామ సర్పంచ్ గుల్లపల్లి లక్ష్మీనారాయణ ఆగ్రహం వ్యక్తం చేశారు. విషయమై శనివారం నాగిరెడ్డిపేట తహసీల్దార్ కార్యాలయం ఎదుట నిరసన కార్యక్రమం చేపట్టారు.ఎమ్మెల్యే ఆదేశాలున్నాయంటున్నారు.

13-09-2026 | 12:07am

చందూర్ ప్రాంత వరదాయని ఎత్తిపోతల పథకం: ఎమ్మెల్యే పోచారం

చందూర్ ఎత్తిపోతల పథకం ప్రాంత రైతులకు వరదాయిని గా మారిందని ప్రభుత్వ వ్యవసాయ సలహాదారులు ఎమ్మెల్యే పోచవరం శ్రీనివాస్ రెడ్డి అన్నారు. నిజామాబాద్ జిల్లా బాన్సువాడ నియోజకవర్గంలోని చందూర్ మండల కేంద్రంలో చందూర్ లిఫ్ట్ ఇరిగేషన్ మోటార్లను ఎమ్మెల్యే పోచారం జహీరాబాద్ ఎంపీ సురేష్ షెట్కర్, రాష్ట్ర ఆగ్రోస్ చైర్మన్ కాసుల బాలరాజు, మాజీ డీసీసీబీ చైర్మన్ పోచారం భాస్కర్ రెడ్డి కలిసి ప్రారంభించారు. అనంతరం ఆయకట్టు పరిధిలోని పొలాలకు సాగునీటిని విడుదల చేశారు.

12-09-2026 | 11:50pm

రెవెన్యూ అబ్కారీ విద్యుత్ ఎక్సైజ్ అధికారులపై ఆగ్రహం

ఆప్కా అబ్కారీ రి రెవిన్యూ ఎక్సైజ్ విద్యుత్ శాఖల అధికారులపై దోమకొండ మండల సమావేశంలో సర్పంచులు ఆగ్రహం వ్యక్తం చేశారు. దోమకొండ మండల పరిషత్ లో శుక్రవారం మండల స్థాయి సమీక్షా సమావేశం నిర్వహించారు. వివిధ శాఖల అధికారులు, సర్పంచులు పాల్గొని గ్రామాల్లో నెలకొన్న సమస్యలను అధికారుల దృష్టికి తీసుకెళ్లారు. ఆయా శాఖల పరిధిలోని సమస్యలను త్వరితగతిన పరిష్కరించాలని సర్పంచులు కోరారు.

12-09-2026 | 10:48pm

సర్పంచుల సమస్యలు పరిష్కరించాలంటూ సీతక్కకు వినతి

గ్రామాల్లో సర్పంచులు ఎదుర్కొంటున్న ఆర్థిక, పరిపాలనా సమస్యలను తక్షణమే పరిష్కరించి గ్రామాల అభివృద్ధికి ఆటంకాలు లేకుండా చూడాలని తెలంగాణ రాష్ట్ర పంచాయతీ సర్పంచుల సంఘం ప్రభుత్వాన్ని కోరింది. ఈ మేరకు రాష్ట్ర పంచాయతీరాజ్ శాఖ మంత్రి దనసరి అనసూయ సీతక్కకు సర్పంచుల సమస్యలపై వినతిపత్రం అందజేశారు.గ్రామాల్లో సర్పంచులు ఎదుర్కొంటున్న సమస్యలు, వాటి కారణంగా అభివృద్ధి పనులకు కలుగుతున్న ఇబ్బందులపై సంఘం ప్రతినిధులు చర్చించారు.

12-09-2026 | 10:29pm

ఆర్చరీలో స్వర్ణ పతకం సాధించిన అనుదీప్‌కు సన్మానం

ఆర్చరీ క్రీడలో ప్రతిభ చాటి స్వర్ణ పతకం సాధించిన ఎం. అనుదీప్‌ను శనివారం దోమకొండ మండల కేంద్రంలోని గడికోటలో ఘనంగా సన్మానించారు. సర్పంచ్ ఐరేని నర్సయ్య, ఆర్చరీ జిల్లా అధ్యక్షుడు తీగల తిరుమల్ గౌడ్ శాలువాతో సత్కరించి అభినందనలు తెలిపారు. ఈ నెల 6న కొల్లూరులోని ఢిల్లీ పబ్లిక్ పాఠశాలలో నిర్వహించిన ఆర్చరీ పోటీల్లో ఎం. అనుదీప్ ప్రతిభ కనబరిచి రికర్వ్ పురుషుల విభాగంలో స్వర్ణ పతకం సాధించినట్లు తెలిపారు. అనుదీప్ అక్టోబర్ 21 నుంచి 23 వరకు జరిగే జాతీయస్థాయి పోటీల్లో పాల్గొననున్నట్లు వెల్లడించారు. జాతీయస్థాయిలోనూ ప్రతిభ చాటి దోమకొండకు పేరు తీసుకురావాలని ఆకాంక్షించారు.

12-09-2026 | 10:24pm

గణపతి మండపాలకు ఆన్‌లైన్‌ నమోదు తప్పనిసరి

నాయక చవితి సందర్భంగా గణపతి మండపాలు ఏర్పాటు చేసే నిర్వాహకులు తప్పనిసరిగా ఆన్‌లైన్‌లో నమోదు చేసుకోవాలని సీఐ రాజిరెడ్డి సూచించారు. శనివారం నాగిరెడ్డిపేట మండలంలోని వివిధ గ్రామాల గణపతి మండపాల నిర్వాహకులు,యువజన నాయకులతో నిర్వహించిన సమావేశంలో సిఐ.రాజారెడ్డి మాట్లాడారు.ఎల్లారెడ్డి సర్కిల్‌ పరిధిలో గతేడాది మొత్తం 389 గణపతి మండపాలు ఏర్పాటు కాగా, నాగిరెడ్డిపేట మండలంలోనే 88 మండపాలు ఏర్పాటు చేసినట్లు తెలిపారు.

12-09-2026 | 08:25pm

ప్రజా ఉద్యమాల ధృవతార కామ్రేడ్ సీతారాం ఏచూరి

భారత కమ్యూనిస్టు ఉద్యమంలో తనదైన ముద్ర వేసిన మహోన్నత నాయకుడు, ప్రజా సమస్యలపై నిరంతరం పోరాడిన యోధుడు, ప్రముఖ మేధావి, సీపీఐ(ఎం) అఖిల భారత పూర్వ ప్రధాన కార్యదర్శి కామ్రేడ్ సీతారాం ఏచూరి వర్ధంతి సందర్భంగా ఆయనకు కామారెడ్డిలో శనివారం సిపిఎం నాయకులు ఘన నివాళులు అర్పించారు.

12-09-2026 | 05:29pm

విద్యుత్ కోతలపై రోడ్డెక్కిన రైతన్నలు

నిజాంసాగర్ సెప్టెంబర్ 12( విజయ క్రాంతి): వ్యవసాయానికి తరచూ విద్యుత్ కోత విధిస్తుండడంతోనిరసనగా కామారెడ్డి జిల్లా నిజాంసాగర్ మండల రైతులు మంగళూరు గ్రామ శివారులోనీ జాతీయ రహదారి 161 పై రాస్థా రోకో నిర్వహించారు. మండలంలోని వెలగనూరు, మంగుళూరు, నర్సింగరావుపల్లి, గ్రామాలకు చెందిన రైతులు వ్యవసాయ విద్యుత్ సరఫరా లో అంతరాయం లేకుండా విద్యుత్ అందించాలని డిమాండ్ చేశారు.

12-09-2026 | 04:05pm

భిక్కనూర్‌లో ఉచిత మట్టి వినాయకుల పంపిణీ

భిక్కనూర్, సెప్టెంబర్‌ 12 (విజయ క్రాంతి): భిక్కనూర్‌ గాంధీచౌక్‌లో భారతి ఫౌండేషన్‌ చైర్మన్‌, డీసీసీ కార్యదర్శి లింగాల రాజబాబు గౌడ్‌ ఆధ్వర్యంలో శనివారం ఉచిత మట్టి వినాయకుల పంపిణీ కార్యక్రమం నిర్వహించారు. కార్యక్రమానికి యువజన కాంగ్రెస్‌ రాష్ట్ర నాయకులు ఇల్యాస్‌ ముఖ్య అతిథిగా హాజరయ్యారు.జిల్లా గ్రంథాలయ చైర్మన్‌ మద్ది చంద్రకాంత్‌రెడ్డి, గ్రామ సర్పంచ్‌ రేఖ, సొసైటీ చైర్మన్లు ఇంద్రకరణ్‌రెడ్డి, భీంరెడ్డి, సుధాకర్‌రెడ్డి, కాంగ్రెస్‌ నాయకులు, కార్యకర్తలు హాజరయ్యారు.

12-09-2026 | 03:56pm