గణేష్ మండపాల నిర్వాహకులు జాగ్రత్తలు పాటించాలి : కాటారం డీఎస్పీ
మహాముత్తారం, సెప్టెంబర్ 11 (విజయక్రాంతి): గణేష్ ఉత్సవాలను శాంతియుతంగా, సురక్షితంగా నిర్వహించేందుకు మండపాల నిర్వాహకులు నిబంధనలు, జాగ్రత్తలు తప్పనిసరిగా పాటించాలని కాటారం డీఎస్పీ సూర్యనారాయణ సూచించారు. మండపాలకు సంబంధించిన వివరాలను ఆన్లైన్ పోర్టల్లో నమోదు చేయాలని తెలిపారు. ప్రతి మండపం వద్ద సైబర్ మోసాలపై అవగాహన కల్పించే ఫ్లెక్సీలు ఏర్పాటు చేయాలని సూచించారు. ఓటీపీ, ఏటీఎం పిన్, సీవీవీ, పాస్వర్డ్లను ఇతరులకు చెప్పకూడదని, అనుమానాస్పద లింకులు, యాప్లను వినియోగించరాదన్నారు. తెలియని వ్యక్తులతో స్క్రీన్ షేరింగ్ చేయకూడదని సూచించారు. సైబర్ మోసానికి గురైతే వెంటనే 1930కు కాల్ చేయాలని లేదా సైబర్క్రైమ్ పోర్టల్లో ఫిర్యాదు చేయాలని కోరారు.
11-09-2026 | 07:14pm
