అచ్చంపేటలో ఎమ్మెల్యే బస్తీబాట.!

అచ్చంపేట: నాగర్ కర్నూల్ జిల్లా అచ్చంపేట పట్టణంలోని 17వ వార్డు టాంగాపూర్ కాలనీలోని సమస్యలు పరిష్కారం కొరకు శుక్రవారం స్థానిక ఎమ్మెల్యే వంశీ కృష్ణ బస్తీబాట కార్యక్రమాన్ని చేపట్టారు. ప్రజలను స్వయంగా కలిసి వారి సమస్యలను అడిగి తెలుసుకున్నారు.

తాగునీరు, రహదారులు, పారిశుద్ధ్యం, విద్యుత్ సౌకర్యం వంటి మౌలిక వసతులపై ప్రత్యేక దృష్టి సారించాలని సంబంధిత అధికారులకు ఫోన్ ద్వారా ఆదేశాలిచ్చారు. వారితో పాటు ఈ కార్యక్రమంలో జిల్లా గ్రంథాలయ సంస్థ చైర్మన్ రాజేందర్, మున్సిపల్ చైర్మన్ గార్లపాటి శ్రీనివాసులు, కమిషనర్ మురళి, స్థానిక కౌన్సిలర్ శ్రీనివాసులు, ఇతర ప్రజాప్రతినిధులు, నాయకులు, అధికారులు, కార్యకర్తలు, స్థానికులు పాల్గొన్నారు.