శివంగాలపల్లి అంగన్‌వాడీ కేంద్రంలో పోషణ పక్వాడ కార్యక్రమం నిర్వహణ

కోనరావుపేట,(విజయక్రాంతి): కోనరావుపేట మండలం శివంగాలపల్లి అంగన్‌వాడీ కేంద్రంలో పోషణ పక్వాడ కార్యక్రమం నిర్వహించారు. ఈ కార్యక్రమం సర్పంచ్ అంబటి చైతన్య శేఖర్ ఆధ్వర్యంలో నిర్వహించగా, పంచాయతీ కార్యదర్శి మజిద్ సయ్యద్ పాల్గొన్నారు.ఈ సందర్భంగా 0-6 సంవత్సరాల పిల్లలు పోషకాహార లోపం లేకుండా ఆరోగ్యంగా ఎదగాలని సూచించారు. బరువు తక్కువగా ఉన్న చిన్నారులకు ‘బాలమృతం ప్లస్’ అందజేస్తున్నట్లు తెలిపారు.అలాగే గర్భిణీలు బాలింతలు రక్తహీనత సమస్యలు లేకుండా ఉండేలా ప్రత్యేక శ్రద్ధ తీసుకోవాలని సూచించారు.ఈ కార్యక్రమంలో గ్రామంలోని తల్లులు, వీవో ఈ. రాజేశ్వరి, అంగన్‌వాడీ ఉపాధ్యాయురాలు పుట్ట రేణుక తదితరులు పాల్గొన్నారు.