పూల నవ్వు నెయ్యం

చెలిమె నీటి ప్రతిబింబంబపు 

చెలిమి లేదు లేదు !

చెట్లకు బదులు తుపాకులను

కౌగలించుకోవడం ఉంది ఉంది !

దానవ మర్యాదని కూడా గాలికొదిలేసి

అర్ధరాత్రి ముద్దుల నిద్రలని కబళించడం

డాలర్ గద్ద దాష్టీకం !

ఫోన్ మీద సోయితో పెయ్యి మీద సోయి 

మరుస్తున్న కాలంలో

కాలం కంపించింది !

దేశాల దేహాలు

డాలర్ గద్ద పీక్కు తింటుంది !

పూలు పూయడం ఆపవు

మకరందాన్ని అందించడం మానవు

మధువుని తాగి తాగిన తేనెటీగలు

మద మత్తుల మెదళ్లని

కాటెయ్యక మానవు !

పూల నవ్వే పాలనవ్వు !

ప్రాణాలకి నిత్య మల్లె దివ్వె !

యువ పాదాలు

డాలర్ వీపు చూపిస్తాయా

డాలర్ గద్దకి బుద్ధి చెబుతాయా !

పూల నవ్వు పాన్పులు పరుస్తాయా!

 ఒబ్బిని