పశ్చిమాసియాలో 8వ రోజూ కొనసాగిన ఉద్రిక్తతలు

సౌదీ అరేబియా, బహ్రెయిన్ యూఏఈపై ఇరాన్ దళాలు పదేపదే దాడులు

ఇంతలో టెహ్రాన్, ఇస్ఫహాసన్‌పై ఇజ్రాయెల్ ఎటాక్

సైనిక మౌలిక సదుపాయాలే లక్ష్యంగా వైమానిక దాడులు

దుబాయ్ విమానాశ్రయంలో పాక్షిక కార్యకలాపాలు

ఇరాన్ అధ్యక్షుడు పెజెష్కియన్‌తో ఫోన్లో మాట్లాడిన రష్యా అధ్యక్షుడు పుతిన్

దౌత్యం ద్వారా వివాదాలను పరిష్కరించుకోవాలని సూచన

టెహ్రాన్/మసూద్/బాగ్దాద్, మార్చి 7 : పశ్చిమాసియాలో 8వ రోజైన శనివారం ఉద్రిక్తతలు మరింత పెరిగాయి. సౌదీ అరేబియా, బహ్రెయిన్ యూఏఈపై ఇరాన్ దళాలు పదేపదే దాడులు చేశాయి. ఇరాన్ సైనిక మౌలిక సదుపాయాలను లక్ష్యంగా చేసుకుని టెహ్రాన్, ఇస్ఫహాసన్‌పై ఇజ్రాయెల్ సైన్యం వైమానిక దాడులు నిర్వహించింది. ఖతార్ క్షిపణి దాడిని అడ్డుకుంది.

దుబాయ్ అంతర్జాతీయ విమానాశ్ర యాన్ని తాత్కాలికంగా మూసేసిన తర్వాత పాక్షికంగా కార్యకలాపాలను కొనసాగించింది. సైప్రస్‌పై ఎఫ్16 విమానాలను మోహరించిన టర్కీ, భద్రతను బలోపేతం చేసింది. రష్యా అధ్యక్షుడు వ్లాదిమిర్ పుతిన్ ఇరాన్ అధ్యక్షుడు మసౌద్ పెజెష్కియన్‌తో మాట్లాడారు. శత్రుత్వాలను వెంటనే నిలిపివేయాలని, దాడుల కంటే దౌత్యం ద్వారా వివాదాలను పరిష్కరించుకోవాలని ఆయన కోరారు.

ఇరాన్, యూస్‌ఏ మధ్య నడుస్తున్న యుద్ధం కారణంగా టర్కీ సైప్రస్‌కు ఎఫ్16 విమానాలను మోహరించింది. ఈ ప్రాంతంలో భద్రతను బలోపేతం చేసే ప్రయత్నాల్లో భాగంగా సైప్రస్‌కు ఎఫ్-16 ఫైటింగ్ ఫాల్కన్ జెట్లను మోహరించామని టర్కీ రక్షణ మంత్రిత్వ శాఖవర్గాలు తెలిపాయి. ఈ మేరకు టర్కీ అధ్యక్షుడు రెసెప్ తయ్యిప్ ఎర్డోగన్ యూకే ప్రధానమంత్రి కీర్ స్టార్మర్‌తో ఫోన్లో మాట్లాడారు.

అక్కడ ఇరాన్ సంక్షోభంపై చర్చిస్తూ.. అక్కడి పరిస్థితులపై మరిన్ని చర్యలు తీసుకోవచ్చని పేర్కొన్నారని ఎర్డోగన్ కార్యాలయం తెలిపింది. అమెరికా స్థావరాల నుంచి వచ్చే దురాక్రమణకు తిప్పికొడతామని ఇరాన్ తెలిపింది. ఇరాన్ పొరుగు దేశాలు  అమెరికాతో సహకరించకపోతే వాటిని లక్ష్యంగా మేం చేసుకోమని ఇరాన్ అధ్యక్షుడు మసౌద్ పెజెష్కియన్ పేర్కొన్నారు.

అమెరికా బలవంతానికి టెహ్రాన్ బలవంతానికి లొంగదని ఇరాన్ అధ్యక్షుడి కార్యాలయ డిప్యూటీ హెడ్ చెప్పారు. గల్ఫ్‌దేశాల్లోని అమెరికా సైనిక స్థావరాల నుంచి ప్రారంభించే ఏవైనా దాడులకు ఇరాన్ సాయుధ దళాలు కఠినంగా స్పందిస్తాయని హెచ్చరించారు. జోర్డాన్ కీలక ప్రదేశాలను ఇరాన్ లక్ష్యంగా చేసుకుందని ఆరోపించింది. గతవారం రోజుల్లో 119 క్షిపణులు, డ్రోన్లను ఇరాన్ ప్రయోగించిదని జోర్డాన్ పేర్కొంది. జోర్డాన్ సైనిక ప్రతినిధి బ్రిగేడియర్ జనరల్ ముస్తఫా హయారి మాట్లాడుతూ 119లో 108 దాడులను అడ్డుకున్నామన్నారు. 

తిరిగొచ్చిన క్రూయిజ్ ప్రయాణికులు

ఇరాన్ యుద్ధం కారణంగా పశ్చిమాసియాలో చిక్కుకున్న వందలాది మంది జర్మ న్ క్రూయిజ్ ప్రయాణికులు శనివారం జర్మనీకి తిరిగొచ్చారు. టీయూఐ క్రూయిసెస్ ఏర్పాటు చేసిన రెండు చార్టర్డ్ విమానాలలో మస్కట్ నుంచి బయలుదేరిన తర్వాత క్రూయిజ్ షిప్ మెయిన్ షిఫ్ 4 నుంచి దాదాపు 640 మంది ప్రయాణికులు ఫ్రాంక్‌ఫర్ట్ విమానాశ్రయంలో దిగారు.

ఓడ నుంచి 2,000 మందికి పైగా అతిథులు ఇప్పుడు స్వదేశానికి తిరిగి వచ్చారని, దాదాపు 2,500 మంది ప్రయాణికులు మొదట విమానంలో ఉన్నారని కంపెనీ తెలిపింది. ఈ ప్రాంతంలో అంతరాయాల వల్ల మెయిన్ షిఫ్ 4, మెయిన్ షిఫ్ 5 అనే రెండు నౌకలు ఇప్పటికీ ప్రభావితమయ్యాయి.

సురక్షిత ప్రాంతాలకు లిటాని ప్రజలు

లిటాని నదికి దక్షిణంగా నివసించే నివాసితులను ఖాళీ చేయమని ఇజ్రాయెల్ హెచ్చ రించింది. ఈ ప్రాంతంలో సైనిక దాడులు జరిగే అవకాశం ఉందని సూచించాయి. పౌరులను వెంటనే నదికి ఉత్తరం వైపునకు వెళ్లాలని ఒక ప్రకటనలో సైన్యం కోరింది. రాబోయే కార్యకలాపాల్లో హిజ్బు ల్లా స్థానాలు, మౌలిక సదుపాయాల సమీపంలోని ప్రాంతాలను ఇజ్రాయెల్ లక్ష్యంగా చేసుకోవచ్చని సైన్యం హెచ్చరించింది.

నబీ చిట్ పై ఇజ్రాయెల్ చేసిన దాడుల్లో 41 మంది మృతి, 40 మంది గాయపడ్డారు. తూర్పు లెబనాన్‌ని నబీ చిట్ పట్టణంపై ఇజ్రాయెల్ జరిపిన వైమానిక, భూదాడుల్లో కనీసం 41 మంది మరణించారని ఆ దేశ ఆరోగ్య మంత్రిత్వ శాఖ తెలిపింది. 

ఉత్తర ఇజ్రాయెల్‌లో మోగిన సైరన్లు

లెబనాన్ నుంచి రాకెట్లు, అనుమానిత డ్రోన్లను ప్రయోగించిన తర్వాత ఉత్తర ఇజ్రాయెల్ అంతటా హెచ్చరిక సైరన్లు వినిపిం చాయని ది టైమ్స్ ఆఫ్ ఇజ్రాయెల్ తెలిపిం ది. టిబెరియాస్ నగరంలో రాకెట్ సైరన్లు వినిపించాయి. పశ్చిమ గెలీలీ, గోలన్ హైట్స్ ల్లో అనుమానిత డ్రోన్ చొరబాట్ల వల్ల హెచ్చరికలు చేసింది. 

ఇరాన్ డ్రోన్నును కూల్చిన ఇజ్రాయెల్

ఇరానియన్ డ్రోన్ ఇజ్రాయెల్ దేశ సరిహద్దులకు చేరుకునేలోపే దాన్ని ఇజ్రాయెల్ ఫైటర్ జెట్ కూల్చివేసింది. ఈ దృశ్యాలను ఇజ్రాయెల్ రక్షణ దళాలు విడుదల చేశాయి. యుద్ధం ప్రారంభమైనప్పటి నుంచి ఇప్పటి వరకు ఇరాన్ ఫైటర్ జెట్లు, హెలికాప్టర్లు ప్రయోగించిన వాటిల్లో 110కి పైగా డ్రోన్లను అడ్డుకున్నామని సైన్యం తెలిపింది. ఇజ్రాయెల్‌నేవీ అనేక డ్రోన్లను కూల్చివేసింది.

ఇరాన్‌ను తీవ్రంగా దెబ్బతీస్తాం : ట్రంప్

శనివారం ఇరాన్‌ను తీవ్రంగా దెబ్బతీస్తామని ట్రంప్ హెచ్చరించారు. ఇరాన్‌పై అతిపెద్ద దాడి చేయడానికి తమ బలగాలు సన్నద్ధమవుతున్నాయని సూచించారు. శనివారం రాత్రికి ఇరాన్‌ను తమ బలగాలు తీవ్రంగా దెబ్బతీస్తాయని ఆయన తన ట్రూత్ సోషల్ మీడియాలో పేర్కొన్నారు. ఇరాన్ పొరు గు దేశాలకు లొంగిపోయిందని ట్రంప్ పేర్కొన్నారు.

ఇరాన్ మధ్యప్రాచ్యంలోని అనేక దేశాలకు క్షమా పణలు చెప్పిందని, యునైటెడ్ స్టేట్స్ ఇజ్రాయెల్ నిరంతర దాడులను ఎదుర్కొన్న తర్వాత ఈ వ్యా ఖ్యలు చేసిందని ట్రంప్ వెల్లడించారు. వాషింగ్టన్, టెల్‌అవీవ్ నుం చి నిరంతర సైనిక ఒత్తిడితోనే ఈ హామీ వచ్చిందని పేర్కొన్నారు.