భద్రాచలంలో సెల్ఫీ సూసైడ్ కలకలం

హైదరాబాద్: భద్రాచలంలో(Bhadrachalam) మహాజన మహిళా సమైఖ్య జిల్లా అధ్యక్షురాలు మేకలలత సోమవారం ఆత్మహత్యాయత్నం చేశారు. ఆమె నిద్రమాత్రలు మింగి ఆత్మహత్యాయత్నం చేయగా, చికిత్స నిమిత్తం భద్రాచలంలోని ప్రభుత్వ ఏరియా ఆసుపత్రికి తరలించారు. ఆమె ఒక సెల్ఫీ వీడియో రికార్డ్ చేసి సోషల్ మీడియాలో పోస్ట్ చేసింది. ఒక వివాదాన్ని పరిష్కరించే విషయంలో కొంతమంది దళిత సంఘం నాయకులు తనను వేధిస్తున్నారని ఆమె ఆరోపించింది. ఒక మహిళకు జరిగిన అన్యాయం విషయంలో తాను జోక్యం చేసుకున్నందుకు, గుండే సుహాసిని, తోకల దుర్గా ప్రసాద్, ముద్ద పిచ్చయ్య, కనక శ్రీను, టి. రమణయ్య అనే కొందరు వ్యక్తులు తనను వేధిస్తున్నారని లత ఆరోపించారు. ఈ విషయం స్థానిక పోలీసులకు కూడా తెలుసని చెప్పారు. ఆమె మరణానికి బాధ్యులైన వారిని ఏ పరిస్థితుల్లోనూ వదిలిపెట్టకూడదని మేకల లత విజ్ఞప్తి చేసింది. ఈ ఘటన భద్రాచలంలో కలకలం రేపింది.