1. గేటును ఢీకొట్టి.. అసెంబ్లీలోకి దూసుకొచ్చిన కారు
2. వీఐపీ గేటులోంచి దూసుకొచ్చిన కారు
3. స్పీకర్ ఛాంబర్ ముందు పూల బొకే పెట్టిన అగంతకులు
4. కారును ట్రేస్ చేసే పనిలో పడ్డ ఢిల్లీ పోలీసులు

న్యూఢిల్లీ: ఢిల్లీ అసెంబ్లీ దగ్గర హైటెన్షన్(High Tension) నెలకొంది. ముసుగు ధరించిన వ్యక్తి నడుపుతున్న కారు సోమవారం మధ్యాహ్నం ఢిల్లీ అసెంబ్లీ(Delhi Assembly) ప్రాంగణంలోని వీఐపీ గేటును బలవంతంగా ఢీకొట్టడంతో భద్రతా ఆందోళన నెలకొందని అధికారులు తెలిపారు. యూపీ రిజిస్ట్రేషన్ నంబరు కలిగిన ఆ కారు, మధ్యాహ్నం సుమారు 2 గంటల సమయంలో గేటు నంబరు 2ను బద్దలు కొట్టుకుని అసెంబ్లీ ప్రాంగణంలోకి ప్రవేశించిందని అధికారులు పేర్కొన్నారు.

అగంతకులు అసెంబ్లీ స్పీకర్ విజేందర్ గుప్తా(Delhi Assembly Speaker Vijender Gupta) కార్యాలయం బయట పూల బొకే పరారయ్యాడని ఢిల్లీ సచివాలయ(Delhi Secretariat) అధికారి  తెలిపారు. ఈ ఘటన తీవ్రమైన భద్రతాపరమైన ఆందోళనలను రేకెత్తించిందని, అధికారులు దీనిని ఒక సంభావ్య భద్రతా ఉల్లంఘనగా పరిగణిస్తున్నారని ఆయన పేర్కొన్నారు. ఇటీవల ముగిసిన బడ్జెట్ సమావేశాల(Budget Sessions) సమయంలో అసెంబ్లీకి అందిన బాంబు బెదిరింపుల వెనువెంటనే ఈ ఘటన చోటుచేసుకుంది. ఈ ఘటనపై కేసు నమోదు చేసిన ఢిల్లీ పోలీసులు కారును ట్రేస్ చేసే పనిలో పడ్డారు.