మంథని-ఖమ్మంపల్లి రహదారిపై ప్రమాద ఘంటికలు!

ప్రధాన రహదారిపై ధాన్యం రాశులు

 వాహనదారుల ఆందోళన

ముత్తారం,(విజయక్రాంతి): ప్రస్తుతం పంట కోతలు జోరుగా సాగుతున్న నేపథ్యంలో, రైతులు తమ పంటను (ధాన్యం) ప్రధాన రహదారులపై ఆరబోయడం వల్ల రాకపోకలకు తీవ్ర అంతరాయం ఏర్పడుతోంది. మంథని నుండి ఖమ్మంపల్లి వెళ్లే ప్రధాన రహదారిపై ధాన్యం రాశులు పోయడం వల్ల వాహనదారులు, ముఖ్యంగా ద్విచక్ర వాహనదారులు తీవ్ర ఇబ్బందులు ఎదుర్కొంటున్నారు. ధాన్యం గింజల వల్ల రహదారి మృదువుగా మారి, వాహనాలు అదుపుతప్పి పడిపోయే ప్రమాదం ఎక్కువగా ఉందని స్థానికులు, వాహనదారులు ఆందోళన వ్యక్తం చేస్తున్నారు.

పంటను కాపాడుకోవాలనే రైతుల ఉద్దేశం అర్థం చేసుకోదగినదే అయినా, ప్రజా భద్రత దృష్ట్యా రహదారులను ఆక్రమించడం సరైనది కాదని పలువురు సూచిస్తున్నారు. సంబంధిత అధికారులు తక్షణమే స్పందించి, రైతులు రహదారులపై ధాన్యం ఆరబోయకుండా తగిన చర్యలు తీసుకోవాలని, అలాగే పంటను ఆరబోసేందుకు ప్రత్యామ్నాయ స్థలాలను చూపాలని స్థానికులు కోరుతున్నారు. ఏ చిన్న పొరపాటు జరిగినా ప్రమాదాలు జరగకముందే జాగ్రత్త పడాల్సిన అవసరం ఎంతైనా ఉంది.