ఎన్డీఏతో పొత్తుకు అవకాశం లేదు.. విజయ్ క్లారిటీ

చెన్నై: తమిళనాడులో ఏఐఏడీఎంకే(AIADMK) నేతృత్వంలోని ఎన్డీఏ(NDA) కూటమితో పొత్తు పెట్టుకునే అవకాశమేదీ లేదని, ఎన్నికల ఒప్పందం కుదిరే అవకాశం ఉందన్న వార్తలు కేవలం మీడియా ఊహాగానాలు మాత్రమేనని నటుడు విజయ్ నేతృత్వంలోని టీవీకే(TVK) శనివారం స్పష్టం చేసింది. అయితే, తమిళగ వెట్రి కజగంతో పొత్తు చర్చలు జరుగుతున్నాయా అని విలేకరులు అడిగిన ప్రశ్నకు బీజేపీ రాష్ట్ర అధ్యక్షుడు నైనార్ నాగెంద్రన్(BJP state president Nainar Nagendran) నేరుగా సమాధానం ఇవ్వడానికి నిరాకరించారు. "మీరు కూటమి గురించి ఆందోళన చెందుతున్నారు. కానీ నేను ప్రజల సమస్యల గురించి ముఖ్యంగా రాష్ట్రంలో శాంతిభద్రతల వైఫల్యం, మహిళలకు భద్రత కరువవడం గురించి ఆందోళన చెందుతున్నాను," అని నాగేంద్రన్ విలేకరులతో అన్నారు.