1. యెమెన్ నుంచి తొలిసారిగా ఇజ్రాయెల్‌పై క్షిపణి దాడి
   

ఇరాన్‌కు మద్దతుగా సిద్ధమైన తిరుగుబాటుదారులు

వారు ఎర్ర సముద్రంలో వాణిజ్య నౌకలను ఆపితే ఇజ్రాయెల్‌కు తీవ్రనష్టం

సనా, మార్చి 28: అమెరికా ఇరాన్ మధ్య గత 28 రోజులుగా జరుగుతున్న యుద్ధానికి దూరంగా ఉన్న హౌతీలు, శనివా రం రణరంగంలోకి ప్రవేశించారు. పశ్చిమాసియాలో కొనసాగుతున్న ఉద్రికత్తల నేపథ్యం లో ఓవైపు ట్రంప్ శాంతి చర్చల కోసం ప్రయత్నిస్తుండగా.. మరోవైపు ఇరాన్, ఇజ్రాయెల్ మధ్య దాడులు, ప్రతిదాడులు భీకరంగా సాగుతున్నాయి.

తాజాగా ఈ యుద్ధంలోకి మరో దేశం కూడా చేరింది. యెమెన్ నుంచి శనివారం ఇజ్రాయెల్‌పై క్షిపణి దాడి జరిగింది. ఈ మిసైల్‌ను ఇజ్రాయెల్ గగనతలంలోనే అడ్డుకుంది. యుద్ధం ప్రారంభమైన తర్వాత యెమెన్ నుంచి జరిగిన తొలి దాడి ఇదే. 

అయితే ఇరాన్‌లో జరుగుతున్న దాడులకు ప్రతిస్పందనగా ఇజ్రాయెల్‌పై తామే దాడి చేశామని హౌతీలు తెలిపారు. తమ లక్ష్యాలు సాధించే వరకు పోరాటం చేస్తామని ప్రతిజ్ఞ కూడా చేశారు. 2014 నుంచి యెమెన్ రాజధాని సనా నగరాన్ని హౌతీలు తమ నియం త్రణలో ఉంచుకున్నారు. అక్కడి నుంచే తాజా గా ఇజ్రాయెల్‌పై దాడి చేశారు. ఇజ్రాయెల్‌లోని బీర్‌షెబాతో సహా మరికొన్ని ప్రాంతాల్లో సైరన్లు మోగించడంతో ప్రజలు ఆశ్రయ కేం ద్రాలకు వెళ్లాల్సి వచ్చింది.

హౌతీలు పూర్తిగా యుద్ధంలోకి ప్రవేశిస్తే ఎర్రసముద్రం మార్గం లో ప్రయాణించే వాణిజ్య నౌకలకు ప్రమాదం తప్పదు. మరో పక్క తమ లక్ష్యాలు సాధించే వరకు పోరాడుతామని హౌతీలు ప్రతిజ్ఞ చేశా రు. తాము నిర్దేశించుకున్న లక్ష్యా లు సాధించే వరకు తమ సైనిక కార్యకలాపాలను కొనసాగిస్తామని యెమెన్ హౌతీ గ్రూపు ప్రకటించింది. ఇజ్రాయెల్ వైపు క్షిపణిని ప్రయోగించినట్లు ఆ బృందం ధ్రువీకరించిన కొద్దిసేపటికే ఈ హెచ్చరిక వెలువడింది.

ఇరాన్‌లో జరుగుతున్న దాడులకు ప్రతిస్పందనగా ఇజ్రాయె ల్‌పై దాడి చేశామని హౌతీలు తెలిపారు. ఇరాన్, లెబనాన్, ఇరాక్, పాలస్తీనా భూభాగాల్లోని మౌలిక సదుపాయాలను నిరంతరం లక్ష్యంగా చేసుకోవడానికి ప్రతిస్పందనగా ఇజ్రాయెల్‌పై దాడిచేశామని యెమెన్‌కు చెందిన హౌతీ గ్రూపు తెలిపింది. ఇరాన్‌కు అనుకూలంగా ఉన్న ఈ గ్రూపు, కొనసా గుతున్న సంఘర్షణలో పలు రంగాలను కలుపుతూ, ఈ దాడిని ఒక విస్తృత ప్రాంతీయ ప్రతిస్పందనలో భాగంగా అభివర్ణించింది.

హైతీల వ్యూహాల అంచనా కష్టమే?

హౌతీలు తమ తదుపరి ఎత్తుగడపై ఆలోచిస్తుండగా, సమన్వయంతో కూడిన ఉద్రిక్తత పెరుగుతుందనే భయాలు నెలకొన్నాయి. హౌతీలు ఇరాన్‌తో కలిసి సమన్వయ దాడులు చేస్తారా లేక తమకు నచ్చిన సమయంలో స్వతంత్రంగా వ్యవహరిస్తారా అనే విషయంపై పరిశీలకుల మధ్య భిన్నాభిప్రాయాలు ఉన్నా యి. యుద్ధంలోకి వారి ప్రవేశం ఒక యుద్ధ మలుపు కావచ్చు. ఇది దాడులను అనేక రంగాలకు విస్తరింపజేసి, ప్రాంతీయ, ప్రపంచ భద్రతపై ఒత్తిడిని తీవ్రతరం చేస్తుంది.

నౌకల రవాణాకు అంతరాయమే!

హోర్ముజ్ సంక్షోభంవేళ హౌతీల ప్రమే యం ప్రపంచ వాణిజ్య మార్గాలకు అంతరాయం కలిగించవచ్చు. హోర్ముజ్ జలసంధి దాదాపు పూర్తిగా మూసివేయ బడటం తో ప్రపంచ వాణిజ్యం ఇప్పటికే తీవ్ర సం క్షోభంలోకి వెళ్లింది. ఈ తరుణంలో, హౌతీల ప్రత్యక్ష ప్రమేయం అరేబియా ద్వీపకల్పం చుట్టూ ఉన్న సముద్రయానానికి తీవ్ర అంతరాయం కలిగించవచ్చని విశ్లేషకులు హెచ్చరి స్తున్నారు. ఈ కూటమి గతంలో ఎర్ర సముద్రంలో నౌకాయానాన్ని లక్ష్యంగా చేసుకుంది. మరోసారి సముద్ర మార్గాలకు ముప్పు కలిగించవచ్చు. ఇది ప్రపంచ ఇంధన సరఫరాలు, అంతర్జాతీ య వాణిజ్యంపై తీవ్రప్రభావం చూపుతుంది.

హౌతీలు ఎవరు? వారెందుకు కీలకం?

హౌతీలు ఉత్తర యెమెన్‌లో ఉన్న ఒక శక్తివంతమైన సైనిక, రాజకీయ ఉద్యమం. వీరు 2014 నుంచి రాజధాని సనాను నియంత్రిస్తున్నారు. వీరు షియా ఇస్లాంలోని జైదీ శాఖను అనుసరిస్తారు. అంతేకాదు సంవత్సరాల తరబడి సాగిన సంఘర్షణలో గణనీయమైన క్షిపణి, డ్రోన్ సామర్థ్యాలను అభివృద్ధి చేసుకున్నారు. ఈ బృందం గతంలో సౌదీ అరేబియా, యూఏఈలోని మౌలిక సదుపాయాలను లక్ష్యంగా చేసుకుంది. తద్వారా ఈ ప్రాంతమంతటా దాడులు చేయగల, విస్తృత భౌగోళిక రాజకీయ గతిశీలతను ప్రభావితం చేయగల తన సామర్థ్యాన్ని ప్రదర్శించింది.