రెండో దశలో 80.84 శాతం పోలింగ్ నమోదు

హైదరాబాద్: తెలంగాణ పంచాయతీ(Telangana Gram Panchayat) ఎన్నికల రెండో దశ ఓట్ల లెక్కింపు ప్రారంభమైంది. ఆదివారం ఉదయం 7 గంటలకు పోలింగ్ ప్రారంభమై మధ్యాహ్నం 1 గంట వరకు కొనసాగింది. నిర్ణీత సమయం తర్వాత కూడా క్యూలలో ఉన్న ఓటర్లను ఓటు వేయడానికి అనుమతించారు. రెండో విడత పంచాయతీ ఎన్నికల్లో 80.84 శాతం పోలింగ్ నమోదైనట్లు ఎన్నికల అధికారులు ప్రకటించారు. మధ్యాహ్నం 2 గంటలకు ఓట్ల లెక్కింపు మొదలైంది. అధికారులు ముందుగా వార్డు సభ్యుల స్థానాలకు పోలైన ఓట్లను లెక్కిస్తున్నారు. ఆ తర్వాత సర్పంచ్ ఓట్లను లెక్కిస్తారు. సర్పంచ్ ఫలితాలు ప్రకటించిన తర్వాత, ఉప సర్పంచ్ ఎన్నిక నిర్వహించబడుతుంది.

ఉప సర్పంచ్‌ను ఎన్నుకోవడానికి వార్డు సభ్యుల సమావేశం జరుగుతుంది. రెండో దశలో, రాష్ట్రంలోని 193 మండలాల్లో 3,911 గ్రామ పంచాయతీ సర్పంచ్ పదవులకు, 29,917 వార్డు సభ్యుల పదవులకు పోలింగ్ జరిగింది. సర్పంచ్ పదవులకు మొత్తం 12,782 మంది అభ్యర్థులు పోటీపడగా, వార్డు సభ్యుల స్థానాలకు 71,071 మంది అభ్యర్థులు బరిలో నిలిచారు. 3,911 గ్రామ పంచాయతీ సర్పంచ్ పదవులకు, 29,917 వార్డు సభ్యుల స్థానాలకు ఎన్నికలు జరిగాయి. సర్పంచ్ పదవులకు మొత్తం 12,782 మంది అభ్యర్థులు పోటీ పడుతుండగా, వార్డు సభ్యుల స్థానాలకు 71,071 మంది అభ్యర్థులు బరిలో ఉన్నారు. పోలింగ్ ముగియడంతో ఫలితాలపై సర్పంచ్, వార్డు అభ్యర్థుల్లో ఉత్కంఠ నెలకొంది.