15 June, 2026 | 9:48 PM 
బల్మూర్ ఎంపీడీవోగా రేవంత్ రెడ్డి బాధ్యతల స్వీకరణ
15-06-2026 09:09 PM
* రెడ్డి సేవా సమితి ఆధ్వర్యంలో ఘన సన్మానం
బల్మూర్,(విజయక్రాంతి): బల్మూర్ నూతన ఎంపీడీవోగా రేవంత్ రెడ్డి బాధ్యతలు స్వీకరించారు. గతంలో ఇక్కడ పనిచేసిన రాఘవులు విధుల్లో అలసత్వం వహించడంతో జిల్లా కలెక్టర్ సస్పెండ్ చేసిన విషయం తెలిసిందే. దీంతో ఎంపీఓగా పనిచేస్తున్న రేవంత్ రెడ్డిని బల్మూరు ఎంపీడీవోగా నియమిస్తూ కలెక్టర్ ఆదేశాలు జారీ చేశారు. కొత్తగా బాధ్యతలు చేపట్టిన ఎంపీడీవోను అచ్చంపేట రెడ్డి సేవా సమితి ప్రతినిధులు ఘనంగా సన్మానించారు. ఆయన మున్ముందు మరిన్ని బాధ్యతలు చేపట్టాలని ఆకాంక్షించారు.
