స్మోకింగ్ ఆరోగ్యానికి హానికరం. ఈ విషయం తెలిసినా చాలామంది ఈ దురలవాటు నుంచి బయటపడటం లేదు. దీనివల్ల ఊపిరితిత్తుల క్యాన్సర్, నోటి క్యాన్సర్, గుండె జబ్బులు, పక్షవాతం సహా అనేక వ్యాధుల ముప్పు పెరుగుతోంది. స్మోకింగ్ మానేస్తే మన ఆరోగ్యంలో ఎలాంటి మార్పులు వస్తాయో ప్రపంచ ఆరోగ్య సంస్థ తెలిపింది. అవి చూద్దాం..

* నాలుగు వారాలు స్మోకింగ్ మానేసి వ్యాయామం చేస్తే.. ఊపిరితిత్తుల పనితీరు మెరుగవుతుంది. లంగ్ క్యాన్సర్ ముప్పు తగ్గుతుంది. 

* స్మోకింగ్ మానేసిన ఎనిమిది వారాల్లో వ్యాధి నిరోధక శక్తి మెరుగుపడుతుంది. 

* 2-12 వారాల్లో రక్తప్రసరణ సక్రమంగా జరిగి ఊపిరితిత్తుల పనితీరు మెరుగుపడుతుంది. 

* ఒకటి నుంచి తొమ్మిది నెలల కాలంలో దగ్గు, శ్వాసతీసుకోవడంలో ఇబ్బందులు పూర్తిగా తొలగిపోతాయి. 

* సంవత్సరం పాటు మానేస్తే.. గుండె సంబంధిత సమస్యలు సగానికి తగ్గుతాయి. 

* స్మోకింగ్ మానేయడం వల్ల హైబీపీ, గుండె స్పందనలు సాధారణ స్థితికి వస్తాయి. రక్త ప్రసరణలో కార్బన్‌మోనాక్సైడ్ నామమాత్రపు స్థాయికి చేరుకుంటుంది. నోరు, శరీరం నుంచి దుర్గంధం రావడం, జుట్టు ఊడటం వంటి సమస్యలు తగ్గుతాయి.