ఉరేసుకుని వివాహిత ఆత్మహత్య

అత్తింటివారి వేధింపులే కారణం?

నాగిరెడ్డిపేట్, నవంబర్ 30 (విజయక్రాంతి): వివాహిత ఆత్మహత్య చేసుకున్న ఘటన కామారెడ్డి జిల్లా నాగిరెడ్డిపేట మండలం ధర్మారెడ్డి గ్రామంలో చోటుచేసుకుంది. ధర్మారెడ్డి గ్రామానికి చెందిన కమ్మరి లక్ష్మి, కమ్మరి వినోద్‌లకు ఏడేళ్ల కిత్రం వివాహమైంది. వారికి ఇద్దరు కుమారులు, కుమార్తె ఉన్నారు. వినోద్ కుమార్ గత మూడు సంవత్సరాల క్రితం రోడ్డు ప్రమాదంలో మరణించాడు. ఆ తర్వాత వినోద్ కుమార్ పేరున ఉన్న బీమా, ఆస్తి డబ్బుల కోసం భర్త తరఫున బంధువులతో గొడవలు జరిగాయి.

గాంధారిలో పెద్దల సమక్షంలో కుదిర్చడం తో లక్ష్మిని తల్లిదండ్రులు ఈ నెల 24వ తేదీ న అత్తిల్లు అయిన ధర్మారెడ్డిలో ఉంచారు. ఆ తర్వాత కూడా ఆస్తి, బీమా డబ్బుల విషయంలో లక్ష్మితో అ త్తింటివారు గొడవ పడడంతో లక్ష్మి మనస్తాపానికి గురై ఉరేసుకుని ఆత్మహత్య చేసుకున్నట్టు తెలిసింది. మృతురాలు తల్లిదండ్రులు స్థానిక పోలీస్ స్టేషన్‌లో ఫిర్యాదు చేశారు. కేసు నమోదు చేసుకొని దర్యాప్తు ప్రారంభిస్తున్నట్లు నాగిరెడ్డిపేట ఎస్సై భార్గవ్‌గౌడ్ తెలిపారు.