పార్టీలకతీతంగా దసరా ఉత్సవాలను విజయవంతం చేయాలి
కామారెడ్డి: దసరా ఉత్సవాలను పార్టీలకతీతంగా విజయవంతం చేయాలని రాష్ట్ర ప్రభుత్వ సలహాదారు షబ్బీర్ అలీ కోరారు. శనివారం కామారెడ్డి ఇందిరా గాంధీ స్టేడియంలో ఏర్పాట్లను పరిశీలించిన ఆయన, ప్రజలకు ఇబ్బందులు లేకుండా అన్ని శాఖల సమన్వయంతో ఏర్పాట్లు పూర్తి చేయాలన్నారు. స్థానిక ఎమ్మెల్యేలు, రాజకీయ పార్టీల నాయకులను ఆహ్వానించనున్నట్లు తెలిపారు. తాగునీరు, భద్రత, ట్రాఫిక్ నియంత్రణపై దృష్టి సారించనున్నట్లు, అత్యవసర పరిస్థితులకు సిద్ధంగా ఉండాలని అధికారులను ఆదేశించారు. ఈ కార్యక్రమంలో అదనపు కలెక్టర్ గిరి, మున్సిపల్ చైర్ పర్సన్ ఇప్ప ఉమారాణి శ్రీనివాస్ పాల్గొన్నారు.
17-10-2026 | 08:33pm
