కొడంగల్‌లో సీఎం రేవంత్ రెండు రోజుల పర్యటన

హైదరాబాద్: ముఖ్యమంత్రి రేవంత్ రెడ్డి(CM Revanth Reddy) రేపటి నుంచి రెండు రోజుల పాటు వికారాబాద్ జిల్లా కొడంగల్(Kodangal) నియోజకవర్గంలో పర్యటించనున్నారు. ఈ పర్యటనలో ప్రధానంగా దుద్యాల్ మండలం హకీంపేటలో ఎడ్యుకేషన్ హబ్ పనుల పురోగతిని క్షేత్రస్థాయిలో పరిశీలిస్తారు. అనంతరం ఉన్నతస్థాయి సమావేశంలో సమీక్షిస్తారు. రాత్రి కొడంగల్‌లో బసచేసి మరుసటి రోజు (22వ తేదీన) నియోజకవర్గంలో చేపట్టిన అభివృద్ధి పనులను సమీక్షిస్తారు.

SIR కొనసాగుతున్న తీరును ముఖ్యమంత్రి పరిశీలిస్తారు. మధ్యాహ్నం తర్వాత తిరిగి హైదరాబాద్‌కు బయలుదేరుతారు. కొడంగల్ విద్య, పారిశ్రామిక కేంద్రంగా అభివృద్ధి చెందుతుందని రెడ్డి మే 8న పేర్కొన్నారు. ఒకప్పుడు వెనుకబడిన ప్రాంతంగా ఉన్న కొడంగల్‌లో వైద్య, ఇంజనీరింగ్, నర్సింగ్,  పాలిటెక్నిక్ కళాశాలలు, అడ్వాన్స్‌డ్ టెక్నాలజీ సెంటర్ (ATC - గతంలో ITI), సైనిక్ స్కూల్ వంటి అనేక విద్యాసంస్థలను ఏర్పాటు చేస్తున్నట్లు తెలిపారు. ఈ విద్యా కేంద్రం (educational hub) అభివృద్ధి ప్రక్రియ ఏడాదిన్నరలో పూర్తవుతుందని సీఎం వెల్లడించారు.