మళ్లీ పెరిగిన పెట్రోల్, డీజిల్ ధరలు.. వారంలో రెండోసారి

న్యూఢిల్లీ: ప్రభుత్వ రంగ చమురు సంస్థలు దాదాపు నాలుగేళ్లుగా ధరల సవరణలపై విధించిన నిలిపివేతను ఎత్తివేసిన నేపథ్యంలో ఒక వారంలోపే ఇంధన ధరలు పెరగడం ఇది రెండోసారి కాగా, మంగళవారం నాడు పెట్రోల్, డీజిల్ ధరలు లీటరుకు సుమారు 90 పైసలు పెరిగాయి. పరిశ్రమ వర్గాల ప్రకారం, ఈ పెంపు కారణంగా న్యూఢిల్లీలో పెట్రోల్ ధరలు లీటరుకు రూ. 97.77 నుండి రూ. 98.64కు పెరగగా, డీజిల్ ధరలు రూ. 90.67 నుండి రూ. 91.58కు చేరాయి. 

ఇరాన్ యుద్ధం తరువాత ప్రపంచవ్యాప్తంగా ముడి చమురు ధరలు పెరగడంతో, కీలకమైన రాష్ట్ర ఎన్నికల సమయంలో నెలల తరబడి ధరలను స్థిరంగా ఉంచిన ప్రభుత్వ రంగ ఇంధన విక్రయ సంస్థలు, తమ పెరుగుతున్న నష్టాలలో కొంత భాగాన్ని వినియోగదారులపై మోపవలసి వచ్చింది. దీంతో, నాలుగు సంవత్సరాలకు పైగా కాలంలో మొదటిసారిగా శుక్రవారం పెట్రోల్, డీజిల్ ధరలను లీటరుకు రూ. 3 మేర పెంచారు. తాజా పెంపుతో హైదరాబాద్‌లో లీటర్‌ పెట్రోల్‌ ధర రూ.111.36కి, లీటర్‌ డీజిల్ రూ.99.53 చేరింది. అటు విజయవాడలో లీటర్‌ పెట్రోల్‌ రూ.114.48, లీటర్‌ డీజిల్‌ రూ.102.17 పెరిగింది. పెట్రోల్, డీజిల్ ధరల పెంపుతో వాహనదారులు ఆగ్రహం వ్యక్తం చేస్తున్నారు.