ప్రభుత్వ కళాశాలలో చదివే విద్యార్థులకు నాణ్యమైన విద్య

బోథ్,(విజయక్రాంతి): ప్రభుత్వ కళాశాలలో చదివే విద్యార్థులకు ఆధునికత తో కూడిన సాంకేతిక పరిజ్ఞానం కలిగిన నాణ్యమైన విద్యను అందించడమే ప్రభుత్వ లక్ష్యమని బోత్ సర్పంచ్ కురుమే అన్నపూర్ణ పేర్కొన్నారు. సోమవారం మండల కేంద్రంలోని ప్రభుత్వ జూనియర్ కళాశాలలో నూతనంగా ఏర్పాటు చేసిన నాలుగు టీవీలను ప్రారంభించారు. ఈ సందర్భంగా తరగతి గదులను పరిశీలించి డిజిటల్ క్లాసుల నిర్వహణపై విద్యార్థులతో మాట్లాడారు.

రాష్ట్ర ప్రభుత్వం విద్యా విధానంలో సమూల మార్పులు తీసుకురావడం జరుగుతుందని విద్యార్థులకు సులభంగా పాఠ్యాంశాలు అర్థం కావాలన్న దృక్పథంతో ఎల్ఈడి లను ఏర్పాటు చేసింది అన్నారు. జూన్ 1 నుండి ప్రభుత్వ జూనియర్ కళాశాలలో మధ్యాహ్న భోజన పథకం అమలు కానందాన్ని ఆమె పేర్కొన్నారు.విద్యార్థులకు అవసరమైన పుస్తకాలు డ్రెస్సులను ఉచితంగా అందిస్తుందని విద్యార్థులు ఈ అవకాశాలను సద్వినియోగం చేసుకోవాలన్నారు. కార్యక్రమంలో కళాశాల ఇన్చార్జి ప్రిన్సిపల్ నాందేవ్ నగేష్ గౌడ్ డిపార్ట్మెంటల్ ఆఫీసర్ రాజేందర్ లక్ష్మణ్ అనిల్ సిహెచ్ రవి యు అనిల్ విద్యార్థులు నాయకులు పాల్గొన్నారు