హైదరాబాద్: జూబ్లీ హిల్స్ పోలీసులు(Jubilee Hills Police) సోమవారం యూసుఫ్‌గూడలోని శ్రీ కృష్ణ నగర్ కాలనీలో ఒక ఇంటిపై దాడి చేసి, వ్యభిచార ముఠా గుట్టు రట్టు చేశారు. ఒక మహిళను, కస్టమర్‌ను అరెస్టు చేశారు. విశ్వసనీయ సమాచారం ఆధారంగా, పోలీసులు ఆ ప్రాంగణంలో సోదాలు నిర్వహించి, అలఖ్య రెడ్డిగా గుర్తించిన 26 ఏళ్ల మహిళ గత ఆరు నెలలుగా ఈ అక్రమ కార్యకలాపాన్ని నడుపుతున్నట్లు గుర్తించారు. 

విచారణ సమయంలో ఆర్థిక ఇబ్బందుల కారణంగా తాను ఆ కార్యకలాపంలో పాల్గొన్నట్లు పోలీసులకు తెలిపింది. వెంకటేష్ అనే ఏజెంట్, రామ అనే మరో వ్యక్తి సమకూర్చిన పరిచయాల ద్వారా ఈ వ్యభిచార దందా నడుస్తున్నట్లు పోలీసుల దర్యాప్తులో వెల్లడైంది. పోలీసులు ఆ ఘటనా స్థలంలోనే వెంకట్ వినయ్ కుమార్ (27) అనే ఒక విటుడిని కూడా అరెస్టు చేశారు. ఈ ఘటనపై కేసు నమోదు చేసిన పోలీసులు ఈ నెట్‌వర్క్‌లో ప్రమేయం ఉన్న ఇతరులను గుర్తించేందుకు దర్యాప్తు కొనసాగిస్తున్నామని పేర్కొన్నారు.