మైథలాజికల్ ఫిక్షనల్ థ్రిల్లర్ త్రికాల

భారతీయ సనాతన ధర్మంలో దాగి ఉన్న రహస్యాలను ఆధారంగా చేసుకుని రూపొందిన మైథలాజికల్ ఫిక్షనల్ థ్రిల్లర్ ‘త్రికాల’ మే 29న ప్రేక్షకుల ముందుకు రానుంది. హీరోయిన్ శ్రద్ధాదాస్ ప్రధాన పాత్రలో నటిస్తున్న ఈ చిత్రంలో మాస్టర్ ఫేమ్ మహేంద్రన్, అజయ్, సీనియర్ నటి ఆమని కీలక పాత్రల్లో కనిపించనున్నారు.

ఈ చిత్రానికి మణి తెల్లగూటి కథ, దర్శకత్వం వహించగా, రాధిక శ్రీనివాస్ నిర్మించారు. ఈ సినిమాను చాగంటి ప్రొడక్షన్ ప్రపంచవ్యాప్తంగా విడుదల చేస్తున్నది. ఇప్పటికే విడుదలైన ట్రైలర్, ప్రచార చిత్రాలు, పాటలకు మంచి స్పందన లభిస్తోంది. ముఖ్యంగా మాస్టర్ మహేంద్రన్ యాక్షన్ సీక్వెన్సులు, అజయ్ పవర్ ఫుల్ పాత్ర, శ్రద్ధాదాస్ కొత్త లుక్ ప్రేక్షకుల్లో ఆసక్తిని పెంచాయి.

ఈ సందర్భంగా దర్శకుడు మణి తెల్లగూటి మాట్లా డుతూ.. “ప్రపంచంపై చీకటి కమ్ముకున్న సమయంలో వెలుగుగా అవతరించే శక్తి చుట్టూ ‘త్రికాల’ కథ తిరుగుతుంది” అని తెలిపారు. నిర్మాతలు మాట్లాడుతూ.. “సరికొత్త కాన్సెప్ట్‌తో, మైథలాజికల్ టచ్‌తో రూపొందిన ‘త్రికాల’ ప్రతి వర్గం ప్రేక్షకులను ఆకట్టు కుంటుంది” అని పేర్కొన్నారు. ఈ సినిమాకు సంగీతం: హర్షవర్ధన్ రమేశ్వర్; నేపథ్య సంగీతం: షాజిత్ హుమాయున్; డీవోపీ: పవన్ చెన్న.