దాతల సహకారం అభినందనీయం: ఎమ్మెల్యే పద్మావతిరెడ్డి

కోదాడ,(విజయక్రాంతి): దాతల సహకారం అభినందనీయమని ఎమ్మెల్యే పద్మావతిరెడ్డి అన్నారు. స్నేహ హస్తాలు ఫౌండేషన్, రే ఫర్ చేంజ్ ఆర్గనైజేషన్ ఆధ్వర్యంలో కోదాడ మండలంలోని రెడ్లకుంట ప్రాధమికోన్నత పాఠశాలలో జరిగిన అభివృద్ధి పనులను గురువారం ఆమె ప్రారంభించి మాట్లాడారు. స్నేహ హస్తాలు ఫౌండేషన్, శ్రీలక్ష్మి ట్రాన్స్‌పోర్ట్ నిర్వాహకులు కునుగుంట్ల రవి కుమార్, రే ఫర్ చేంజ్ ఆర్గనైజేషన్ బాధ్యులు కంఠమనేని హేమ సహకారంతో సుమారు రూ.6.50 లక్షలతో ప్రాధమికోన్నత పాఠశాలలో  అధనపు వాష్ రూమ్స్ నిర్మాణం, పెయింటింగ్ పనులు చేయడం పట్ల దాతలను ఎమ్మెల్యే అభినందించారు. ప్రతి ఒక్కరూ పాఠశాలల బలోపేతానికి తమవంతు చేయూతనందించాలని కోరారు.