కాచపూర్ ఆర్టీసీ బస్టాండ్ శుభ్రత కార్యక్రమం

భిక్కనూర్,(విజయక్రాంతి): భిక్కనూర్ మండలం కాచపూర్ గ్రామంలోని ఆర్టీసీ బస్టాండ్ వద్ద శుభ్రత కార్యక్రమం నిర్వహించారు. గ్రామ సర్పంచ్ పాలమాకుల జ్యోతి సంతోష్ గౌడ్ ఆధ్వర్యంలో ఉప సర్పంచ్ దశరథం, పాలకవర్గ సభ్యులు చీపుర్లు పట్టి బస్టాండ్ పరిసరాలను శుభ్రం చేశారు. బస్టాండ్ వద్ద పేరుకుపోయిన చెత్తను తొలగించి పరిశుభ్రతపై అవగాహన కల్పించారు. ప్రజలకు శుభ్రమైన వాతావరణం కల్పించడమే లక్ష్యంగా ఈ కార్యక్రమం చేపట్టినట్లు తెలిపారు. గ్రామ ప్రజలు కూడా తమ పరిసరాలను శుభ్రంగా ఉంచాలని సూచించారు. కార్యక్రమంలో గ్రామస్తులు కూడా పాల్గొన్నారు.