కారులో గ్యాస్ నింపుతుండగా పేలిన సిలిండర్

1. మూడు కార్లు, బైక్ దగ్ధం 
2. భయాందోళనలతో పరుగులు పెట్టిన స్థానికులు
3. కామారెడ్డి జిల్లా దేవునిపల్లిలో ఘటన
4. ప్రమాద స్థలాన్ని పరిశీలించిన అధికారులు

కామారెడ్డి, మే 9 (విజయక్రాంతి): కామారెడ్డి జిల్లా కేంద్రంలో శనివారం సీఎన్జీ కారులో గ్యాస్ నింపుతుండగా పేలుడు సంభవించింది. దీంతో మూడు కార్లు, ఒక బైక్ దగ్దమయ్యా యి. పట్టణంలోని దేవునిపల్లిలో ఈ ప్రమాదం జరిగింది. ఒక్కసారిగా పేలుడు సంభవించడంతో భయభ్రాంతులకు గురైన స్థానికులు పరుగులు తీశారు. ఈ ఘటనతో ఆ ప్రాం తంలో దట్టమైన పొగలు అలుముకున్నాయి. 

స్థానికులు అగ్ని మాపక శాఖ అధికారుల కు సమాచారం అందించడంతో సంఘటన స్థలానికి చేరుకొని ఎంతో శ్రమించి మంటలను ఆర్పి వేశారు. సిఎన్జి గ్యాస్ కారులో గ్యాస్ నింపుతుండగా ఈ ప్రమాదం చోటుచేసుకుంది.కారులోని గ్యాస్ సిలిండర్ వెళ్లడంతో పక్కనే ఉన్న రెండు కార్లు, ఒక మోటార్ సైకిల్ దగ్ధమైంది. సంఘటన స్థలాన్ని అగ్నిమాపక శాఖ అధికారులు, రెవెన్యూ అధికారులు సందర్శించారు.