జగ్జీవన్‌రామ్ విగ్రహ ఏర్పాటుకు కౌన్సిల్ తీర్మానం

నిర్మల్, ఏప్రిల్ 2౨ (విజయక్రాంతి): నిర్మల్ జిల్లా కేంద్రంలోని న్యూ కలెక్టరేట్ రోడ్డులో భారత మాజీ ఉప ప్రధాని డాక్టర్ బాబు జగ్జీవన్ రామ్ విగ్రహ ఏర్పాటుకు మున్సిపల్ కౌన్సిల్ తీర్మానించింది. బుధవారం తీర్మాన పత్రాన్ని డీసీసీ ప్రధాన కార్యదర్శి, న్యాయవాది గాజుల రవి కుమార్, నల్లూరి పోశెట్టి, కత్తి నరేందర్, ఆధ్వర్యంలో మాదిగ ఉద్యోగ ఫెడరేషన్ సభ్యులకు మున్సిపల్ వైస్ చైర్మన్ అప్పాల గణేష్ అందజేశారు. విగ్రహ ఏర్పాటు కోసం కాంగ్రెస్ పార్టీ నిర్మల్ నియోజకవర్గ ఇన్చార్జి కూచాడి శ్రీహరి రావుకు విన్నవించగా వెంటనే స్పందించారని అన్నారు. ఈ సందర్భంగా మున్సిపల్ పాలకవర్గానికి ధన్యవాదాలు తెలిపారు. త్వరలోనే విగ్రహం ఏర్పాటు చేస్తామన్నారు.