గర్వా: జార్ఖండ్‌లోని గర్వా జిల్లాలో శ్రీ రామ నవమి(Sri Ram Navami) ఊరేగింపు సందర్భంగా జరిగిన చిన్న విషయంపై రెండు వర్గాల మధ్య జరిగిన ఘర్షణకు సంబంధించి శుక్రవారం ఇరవై మందిని అరెస్టు చేసినట్లు ఒక సీనియర్ అధికారి తెలిపారు. ప్రస్తుతం జరుగుతున్న రామ నవమి ఉత్సవాల సందర్భంగా, మహాష్టమి రోజున ఒక మతపరమైన జెండాను ఎగురవేయడం, బాణసంచా కాల్చడంపై ఒక నిర్దిష్ట వర్గానికి చెందిన సమూహం అభ్యంతరం వ్యక్తం చేయడంతో కౌవాఖో శివ చతుత్ర ప్రాంతం సమీపంలో ఈ ఘటన చోటుచేసుకుందని అధికారులు తెలిపారు. ఈ విషయంపై జరిగిన వాగ్వాదం త్వరలోనే హింసాత్మకంగా మారిందని, వారిని శాంతింపజేయడానికి పోలీసులు ప్రయత్నించినప్పటికీ ఇరువర్గాలు ఒకరిపై ఒకరు రాళ్లు విసురుకున్నారని అధికారులు తెలిపారు.