కార్యనిర్వాహక సభ్యులుగా బండారు రాజా ప్రమాణ స్వీకారం

తుంగతుర్తి,(విజయక్రాంతి): సూర్యాపేట జిల్లా కేంద్రానికి చెందిన బండారు రాజా శుక్రవారం హైదరాబాద్ లో జరిగిన తెలంగాణ రాష్ట్ర ఆర్యవైశ్య మహాసభ ప్రమాణ స్వీకార మహోత్సవం లో రాష్ట్ర అధ్యక్షులు అమరవాది లక్ష్మీనారాయణ చేతుల మీదుగా జ్ఞాపిక అందుకున్నారు. ఈ సందర్భంగా రాష్ట్ర ఆర్యవైశ్య మహాసభ కార్యనిర్వాహక సభ్యులుగా ప్రమాణ స్వీకారం చేశారు. వీరు గతంలో జిల్లా ఆర్యవైశ్య మహాసభ ప్రధాన కార్యదర్శిగా, ప్రస్తుతం సూర్యాపేట జిల్లా ఆర్యవైశ్య మహాసభ క్రమశిక్షణ కమిటీ చైర్మన్ గా బాధ్యతలు నిర్వహిస్తున్నారు.

ప్రమాణ స్వీకారం చేసిన సందర్భంగా జిల్లా ఆర్యవైశ్య మహాసభ ఉపాధ్యక్షులు బచ్చు పురుషోత్తంతోపాటు పలువురు శుభాకాంక్షలు తెలిపారు. ఈ సందర్భంగా బండారు రాజా మాట్లాడుతూ రాష్ట్ర ఆర్యవైశ్య మహాసభలో కార్యవర్గ సభ్యులుగా ప్రమాణ స్వీకారం చేయడం ఎంతో ఆనందాన్ని కలిగిస్తుందని, నా వంతుగా శక్తివంచన లేకుండా ఆర్యవైశ్యుల అభివృద్ధి కొరకు కృషి చేస్తానని తెలిపారు. దీనితో తుంగతుర్తి నియోజకవర్గం ఆర్యవైశ్య మహాసభ సంఘం నాయకులు హర్షం వ్యక్తం చేశారు.