ఎపిక్ యాక్షన్ కథతో 34వ సినిమా

హీరో టీ గోపీచంద్ వరుస ప్రాజెక్ట్లతో ప్రేక్షకుల ముందుకు వస్తున్నారు. ప్రస్తుతం ‘భరత వర్ష’ అనే పీరియాడిక్ యాక్షన్ డ్రామా చేస్తున్న ఆయన.. తాజాగా మరో సినిమాను ప్రకటించారు. ఆయన నటించనున్న 34వ చిత్రం త్వరలో పట్టాలెక్కనుంది. ఈ సినిమాతో ప్రముఖ ఫైట్ మాస్టర్ వీ వెంకట్ దర్శకుడిగా పరిచయమవుతు న్నారు. 70 ఎంఎం ఎంటర్‌టైన్‌మెంట్స్ బ్యానర్‌పై విజయ్ చిల్లా, శశిదేవిరెడ్డి నిర్మిస్తున్నారు. ఈ భారీ బడ్జెట్ యాక్షన్ డ్రామా ఆదివారం పూజా కార్యక్రమాలతో ప్రారభం కానుందని మేకర్స్ ప్రకటించారు.

యాక్షన్ కొరియోగ్రాఫర్‌గా ఇప్పటికే మంచి పేరు తెచ్చుకున్న వీ వెంకట్.. ఈ సినిమాకు ఎపిక్ యాక్షన్ కథను సిద్ధం చేశారు. ప్రస్తుతం ప్రీ-ప్రొడక్షన్ పనులు వేగంగా జరుగుతున్నాయి. ఈ చిత్రానికి సినిమాటోగ్రఫీని షాందత్ ఐఎస్‌సీ అందిస్తుండగా, సంగీతాన్ని సామ్ సీఎస్ సమకూర్చుతున్నారు. శ్రీకర్ ప్రసాద్ ఎడిటర్‌గా, రామకృష్ణ మోనిక ఆర్ట్ డైరెక్టర్‌గా పనిచేస్తున్నారు.