155 రోజుల్లో 100 రోబోటిక్ గుండె శస్త్రచికిత్సలు

జూబ్లీహిల్స్ అపోలోకు ప్రపంచ రికార్డు

హైదరాబాద్, ఏప్రిల్ 8(విజయక్రాంతి): ఆధునిక గుండె వైద్య రంగంలో జూబ్లీహిల్స్ అపోలో ఆసుపత్రి అరుదైన ఘనత సాధించింది. కేవలం 155 రోజుల్లోనే 100 రోబో టిక్ కార్డియాక్ శస్త్రచికిత్సలు విజయవంతంగా పూర్తి చేసి ప్రపంచ రికార్డు సృష్టించిం ది.‘డా విన్చి సర్జికల్ సిస్టమ్’ సాయంతో నిర్వహించిన ఈ శస్త్రచికిత్సలు మినిమల్లీ ఇన్వేసి వ్ సాంకేతికత వేగంగా అభివృద్ధి చెందుతున్నదానికి నిదర్శనంగా నిలిచాయి.

సీనియర్ కన్సల్టెంట్ హార్ట్ ట్రాన్స్‌ప్లాంట్ సర్జన్ డాక్టర్ నాగేశ్ అయ్యలసోమయాజుల నేతృత్వంలో నిపుణుల బృందం ఈ ఘనత సాధించింది. క్లిష్ట గుండె శస్త్రచికిత్సల్లో రోబోటిక్ విధానాల వినియోగం పెరుగుతున్నదానికి ఇది సంకేతమని వైద్యులు తెలిపారు. ఈ సందర్భంగా డాక్టర్ నాగేశ్ మాట్లాడుతూ, సంప్రదాయ ఓపెన్ హార్ట్ సర్జరీలతో పోలిస్తే రోబోటిక్ శస్త్రచికిత్సలకు అనేక ప్రయోజనాలు ఉన్నాయని చెప్పారు.

ఎముకలు కోయాల్సిన అవసరం లేకపోవడం, చిన్న కోతలు మాత్రమే ఉండ డం, రక్తనష్టం తక్కువగా ఉండడం వల్ల రోగు లు త్వరగా కోలుకుంటారని వివరించారు. నొప్పి తగ్గడం, ఆసుపత్రిలో ఉండే రోజులు తగ్గడం, సాధారణ జీవితానికి త్వరగా తిరిగి చేరుకోవడం వంటి లాభాలు ఉన్నాయని తెలిపారు. రోబోటిక్ సాంకేతికత ద్వారా శస్త్రచికిత్సల్లో ఖచ్చితత్వం, స్పష్టత మరింత పెరు గుతుందని చెప్పారు. అపోలో హాస్పిటల్స్ జాయింట్ మేనేజింగ్ డైరెక్టర్ డాక్టర్ సంగితా రెడ్డి మాట్లాడుతూ, రోబోటిక్ కార్డియాక్ సర్జరీల వల్ల చికిత్సలో స్థిరత్వం పెరగడంతో పాటు రోగుల భద్రత, సౌకర్యం మెరుగుపడుతున్నాయన్నారు. ఆధునిక వైద్య సాంకేతి కతను స్వీకరించడంలో అపోలో ఆసుపత్రు లు ఎప్పుడూ ముందుంటాయని, ఈ ఘనత దానికి నిదర్శనమని తెలిపారు.

అపోలో హా స్పిటల్స్ తెలుగు రాష్ట్రాల సీఈఓ తేజస్వి రావు వీరపల్లి మాట్లాడుతూ, ఈ విజయం తో నవీన వైద్య సేవల అందింపులో సంస్థ కట్టుబాటు మరింత బలపడిందన్నారు. రో బోటిక్ గుండె శస్త్రచికిత్సలు భవిష్యత్ వైద్య రంగానికి దిశానిర్దేశం చేస్తాయని, తెలంగాణ, ఆంధ్రప్రదేశ్ రాష్ట్రాల్లో ప్రపంచ స్థాయి గుండె వైద్య సేవలను అందించేందుకు సంస్థ కృషి చేస్తుందని తెలిపారు.వైద్య నిపుణుల అభిప్రాయం ప్రకారం, రోబోటిక్ శస్త్ర చికిత్సల విస్తృత వినియోగం గుండె చికిత్స విధానాలను పూర్తిగా మార్చివేస్తుందని, శస్త్రచికిత్సల్లో ఖచ్చితత్వం పెరగడం, సమస్యలు తగ్గడం, రోగులు త్వరగా కోలుకోవడం వంటి ప్రయోజనాలతో భవిష్యత్తులో కొత్త ప్రమాణాలు నెలకొల్పనుందని పేర్కొన్నారు.