ఆదర్శ వార్డుగా తీర్చిదిద్దుతా

వేములవాడ21వ కౌన్సిలర్ బీఆర్‌ఎస్ అభ్యర్థి నరాల శేఖర్

గెలుపే లక్ష్యంగా కొనసాగుతున్న శేఖర్ ప్రచారం

వేములవాడ, ఫిబ్రవరి 7 (విజయక్రాంతి) :వేములవాడ మున్సిపల్ పరిధిలోని 21వ వార్డు కౌన్సిలర్ బరిలో నిలిచిన బీఆర్‌ఎస్ పార్టీ అభ్యర్థి నరాల శేఖర్ శనివారం ఆయన తన ఎన్నికల ప్రచారాన్ని ముమ్మరం చేశారు. వార్డులోని గడప గడపకూ క్షేత్రస్థాయిలో పర్యటిస్తూ ప్రజలను కలుసుకొని గత పదేళ్లుగా వార్డు సంక్షేమాభివృద్ధికి పా టుపడిన తీరును వివరించి తన అభివృద్ధి పనులను గుర్తు చేశారు.ఈ సందర్భంగా నరాల శేఖర్ మాట్లాడుతూ వార్డు అభివృద్ధే లక్ష్యంగా కౌన్సిలర్ బరిలో నిలిచానన్నారు. ప్రజల ఆశీర్వాదంతో గెలిచి 21వ వార్డును ఆదర్శ వార్డుగా తీర్చిదిద్దేందుకు కృషి చేస్తానని తెలిపారు.

వార్డులో తాగునీరు, డ్రైనేజీ, రహదారులు, వీధి దీపాలు వంటి మౌలిక వసతుల కల్పనకు, సమస్యల పరిష్కారానికి ప్రాధాన్యం ఇస్తానన్నారు.ప్రజలకు ఎల్లప్పుడూ అందుబాటులో ఉండే కౌన్సిలర్ గా సేవలు అందిస్తానని, ప్రతి సమస్యకు త్వరితగతిన పరిష్కారం చూపేందుకు కట్టుబడి ఉంటానని హామీ ఇచ్చారు. ప్రభుత్వ సంక్షేమ పథకాలు ప్రతి అర్హుడికి చేరేలా కృషి చేస్తానని, యువతకు ఉపాధి అవకాశాలు, మహి ళలకు స్వయం ఉపాధి ప్రోత్సాహం కల్పించేందుకు చర్యలు తీసుకుంటానని వెల్లడిం చారు. వార్డు ప్రజలతో నిత్యం మమేకమై వారి అభిప్రాయాలకు ప్రాధాన్యం ఇస్తూ పారదర్శక పాలన అందిస్తానని,అభివృద్ధి పనుల్లో ప్రజల భాగస్వామ్యాన్ని పెంచుతానని పేర్కొన్నారు. మరోసారి ఎన్నికల్లో తన కు మద్దతు ఇచ్చి గెలిపించాలని వార్డు ప్రజలను కోరారు. ఈ నేపథ్యంలో పలువురు వార్డు ప్రజలు శేఖర్ గెలుపు తధ్యమని భావిస్తున్నట్లు సమాచారం.