చిన్నారులపై సామూహిక అత్యాచారం

గిరిడిహ్: జార్ఖండ్‌లోని గిరిదిహ్ జిల్లాలో ఇద్దరు గిరిజన బాలికలపై సామూహిక అత్యాచారం జరిగిందని పోలీసులు మంగళవారం తెలిపారు. ఆదివారం రాత్రి పిర్తాండ్ పోలీస్ స్టేషన్ పరిధిలోని హర్లాడిహ్ ప్రాంతంలో ఈ ఘటన జరిగింది. ఆ ఇద్దరు మైనర్ బాలికలు ఒక గ్రామ జాతర నుండి ఇంటికి తిరిగి వస్తుండగా ఈ దారుణం చోటుచేసుకుంది. ఆరుగురు, ఏడుగురు గుర్తు తెలియని వ్యక్తులు వారిని అపహరించి సమీపంలోని పొలంలోకి తీసుకెళ్లారని, అక్కడ వారు వంతులవారీగా వారిపై అత్యాచారం చేశారని హర్లాడిహ్ అవుట్‌పోస్ట్ అధికారి ఇన్‌చార్జ్ దీపక్ కుమార్ తెలిపారు. బాధితుల తల్లుల వాంగ్మూలాల ఆధారంగా ఎఫ్‌ఐఆర్ నమోదు చేసి తదుపరి దర్యాప్తు జరుగుతోందని పోలీసులు తెలిపారు. దుమ్రి సబ్-డివిజనల్ పోలీస్ అధికారి (ఎస్‌డిపిఓ) సుమిత్ ప్రసాద్ మాట్లాడుతూ, వైద్య పరీక్షలు నిర్వహించామని, నిందితులను పట్టుకోవడానికి పలు ప్రాంతాల్లో దాడులు జరుగుతున్నాయని పేర్కొన్నారు.