సిద్ధరామయ్యకు సుప్రీంకోర్టు నోటీసు

న్యూఢిల్లీ: 2023 రాష్ట్ర ఎన్నికల్లో వరుణ అసెంబ్లీ నియోజకవర్గం నుండి సిద్ధరామయ్య ఎన్నికను(CM Siddaramaiah) సవాలు చేస్తూ దాఖలైన పిటిషన్‌పై సుప్రీంకోర్టు సోమవారం ఆయన స్పందన కోరింది. కె. శంకర అనే వ్యక్తి దాఖలు చేసిన పిటిషన్‌పై సమాధానం ఇవ్వాలని న్యాయమూర్తులు విక్రమ్ నాథ్, సందీప్ మెహతాలతో కూడిన ధర్మాసనం సిద్ధరామయ్యకు నోటీసు జారీ చేసింది. వరుణ అసెంబ్లీ నియోజకవర్గం నుండి సిద్ధరామయ్య ఎన్నిక చెల్లదని ప్రకటించాలని కోరుతూ తాను దాఖలు చేసిన పిటిషన్‌ను కొట్టివేసిన కర్ణాటక హైకోర్టు ఏప్రిల్ 22న ఇచ్చిన ఉత్తర్వులను సవాలు చేస్తూ శంకర సుప్రీంకోర్టును ఆశ్రయించారు. 1951 ప్రజాప్రాతినిధ్య చట్టంలోని నిబంధన ప్రకారం సిద్ధరామయ్య అవినీతికి పాల్పడ్డారని పిటిషనర్ ఆరోపించారు. శంకర ఎన్నికల పిటిషన్‌ను హైకోర్టు కొట్టివేసింది.