ఎర్రుపాలెం మార్చి 19 ( విజయ క్రాంతి): కలియుగ ప్రత్యక్ష దైవం జమలాపురం శ్రీ వెంకటేశ్వర స్వామి వారి సన్నిధిలో శ్రీ వసంత నవరాత్రి బ్రహ్మోత్సవములు వైభవంగా ప్రారంభమైనవి. వేదమంత్రోచ్ఛారణలు, మంగళ వాయిద్యములు నడుమ సాయంత్రం 05:00 గంటలకు తీర్థం బిందెను సాంప్రదాయబద్ధంగా తెచ్చుటతో ఉత్సవములకు అంకురార్పణ జరిపారు.

తెల్లవారుజామున బ్రహ్మ ముహూర్తము నందు స్వామివారికి సుప్రభాత సేవ, సర్వాంగ అభిషేకము, నూతన వస్త్ర అలంకరణ మరియు ఉగాది వేప పువ్వు ప్రసాదం నివేదన మరియు నీరాజనం మంత్రపుష్పములు జరిపి భక్తులకు  రజిత కవచ అలంకారము  లో స్వామివారి దర్శన భాగ్యం కల్పించినాము. ఉదయం 9:30 నీ‘ల నుండి శ్రీ పరాభవ నామ సంవత్సర ఫలితములు తెలుపుతూ పంచాంగ శ్రవణము కార్యక్రమమును ఆలయ ప్రధాన అర్చకులు  శ్రీ ఉప్పల శ్రీనివాస శర్మ,  భక్తులకు వివరించినారు.   ఉదయం 10:30 నీ‘ల నుండి భక్త కళ్యాణం నిర్వహించడం జరిగినది.

దేవాలయమునకు విచ్చేసిన  భక్తులందరికీ విశేషముగా అన్నదానము చేశారు. అనంతరం సాయంత్రం 06-00 గంటలకు యాగశాల ప్రవేశం, కలశ స్థాపన, గణపతి పూజ, పుణ్యాహవచనం,  దీక్షాధారణ, రక్షాబంధనం ఉత్సవములు ప్రారంభం అనంతరం యాగశాల యందు  కార్యనిర్వాహణాధికారి  చేతుల మీదగా జ్యోతి ప్రజ్వలన కార్యక్రమము నిర్వహించడం జరిగినది.

కార్యక్రమంలో ఆలయ కార్యనిర్వాహణాధికారి కొత్తూరు జగన్ మోహన్ రావు. ఆలయ ఫౌండర్ ట్రస్ట్  ఉప్పల విజయ దేవశర్మ, మాజీ వ్యవస్థాపక ధర్మ కర్త ఉప్పల శ్రీరామచంద్రమూర్తి , ఉప్పల జయదేవ శర్మ, జమలాపురం గ్రామ సర్పంచ్ తుళ్లూరి నిర్మలా కుమారి, వకులా మాత స్టేడియం నిర్మాణ దాత తుళ్లూరు కోటేశ్వరరావు , ఖమ్మం జిల్లా యూత్ కాంగ్రెస్ అధ్యక్షుడు వేజెడ్ల సాయికుమార్, ఇతర ప్రజాప్రతినిధులు పాల్గొన్నారు.