మేడారంలో సమ్మక్క సారలమ్మ మొక్కలు తీర్చుకున్న ఎమ్మెల్యే

కుటుంబ సభ్యులతో కలిసి వన దేవతలకు ప్రత్యేక పూజలు చేసిన వెడ్మ బొజ్జు పటేల్

ఉట్నూర్,(విజయక్రాంతి): ఖానాపూర్ ఎమ్మెల్యే వెడ్మ బొజ్జు పటేల్ మేడారంలో సమ్మక్క - సారలమ్మ కు ప్రత్యేక పూజలు నిర్వహించి వనదేవతలైన సమ్మక్క సారక్క మొక్కులు తీర్చుకున్నారు. శనివారం కుటుంబ సమేతంగా ములుగు జిల్లా మేడారానికి వెళ్లి దేవతల మొక్కులు తీర్చుకున్నారు. మేడారం సమ్మక్క-సారలమ్మల ఆశీర్వాదంతోనే తాను ఈ స్థాయిలో ఉన్నానని, గతంలో ఎన్నికలకంటే ముందు మొక్కుకున్నాందున ఈరోజు కుటుంబ సమేతంగా కలిసి మొక్కులు చెల్లించుకున్నా అన్నారు. ఈ కార్యక్రమంలో కుటుంబ సభ్యులు,ఆదివాసీ నాయకులు తదితరులు పాల్గొన్నారు.