నైతినికి ఎమ్మెల్యే అభినందనలు..

భిక్కనూర్, జూన్ 12 (విజయక్రాంతి): ఇటీవల నిర్వహించిన చిల్డ్రన్ మాక్ పార్లమెంట్లో భిక్కనూర్ మండలం జంగంపల్లి గ్రామానికి చెందిన కమ్మరి నైతిని మాట్లాడిన తీరు పట్ల కామారెడ్డి ఎమ్మెల్యే కాటిపల్లి వెంకటరమణ రెడ్డి ప్రశంసలు కురిపించారు. మద్యపాన నిషేధం వల్ల కుటుంబాలు, గ్రామాలు అభివృద్ధి చెందుతాయని నైతిని చెప్పిన అంశం అభినందనీయమని అన్నారు.

ప్రతి విద్యార్థి సమాజానికి ఉపయోగపడే మంచి విషయాలను తెలియజేస్తూ తన బాధ్యతను నిర్వర్తించాలని సూచించారు. నైతిని భవిష్యత్లో ఉన్నత విద్య అభ్యసించేందుకు తన వంతు సహకారం అందిస్తానని హామీ ఇచ్చారు. ఈ కార్యక్రమంలో నైతిని తల్లిదండ్రులు, బీజేపీ గ్రామ అధ్యక్షుడు మీసాల ప్రవీణ్, సేవారత్న అవార్డు గ్రహీత మోహన్ రెడ్డి పాల్గొన్నారు.