మల్లాపూర్‌లో జ్యోతిరావు ఫూలే జయంతి

మల్లాపూర్,(విజయక్రాంతి): మల్లాపూర్ మండల కేంద్రంలో ముత్యంపేట గ్రామంలో మహాత్మా జ్యోతిరావు ఫూలే జయంతిని శనివారం ఘనంగా నిర్వహించారు. ముదిరాజ్ సింహాసేన ఆధ్వర్యంలో ఆయన విగ్రహానికి పూలమాలలు వేసి ఘన నివాళులు అర్పించారు. ఈ సందర్భంగా ముదిరాజ్ సింహాసేన సభ్యులు మాట్లాడుతూ జ్యోతిరావు ఫూలే సామాజిక అసమానతలపై అలుపెరగని పోరాటం చేసిన మహనీయుడని కొనియాడారు. అణగారిన వర్గాల విద్యాభివృద్ధి కోసం ఆయన చేసిన సేవలు చిరస్మరణీయమని పేర్కొన్నారు. ప్రతి ఒక్కరూ ఫూలే చూపిన మార్గంలో నడుస్తూ సమానత్వ సమాజ నిర్మాణానికి కృషి చేయాలని పిలుపునిచ్చారు.