అతిపెద్ద కిడ్నీ ట్యూమర్ సర్జరీ విజయవంతం

హైదరాబాద్ ః హైదరాబాద్ లో అరుదైన శస్త్రచికిత్సను కాంటినెంటల్ హాస్పిటల్ లో విజయవంతంగా నిర్వహించారు. సుమారు 4 కిలోల బరువున్న పెద్ద ఎడమ మూత్రపిండ కణితిని 8 గంటల పాటు కష్టపడి తొలగించారు. అధునాతన యూరోలాజిక్ ఆంకాలజీలో దీనిని చారిత్రాత్మక మైలురాయిగా పేర్కొన్నారు. డాక్టర్ కనిష్క కుమార్ (ఎంసిహెచ్ యూరాలజీ), డాక్టర్ శ్రవణ్ సారథ్యంలోని వైద్యబృందం ఎంతో సంక్లిష్టమైన రాడికల్ నెఫ్రెక్టోమీని విజయవంతంగా నిర్వహించింది.

ఇప్పటివరకు విడదీయబడిన అతిపెద్ద మూత్రపిండ క్యాన్సర్లలో ఒకటిగా దీనిని పేర్కొన్నారు.  కణితి చాలా పెద్దదిగా ఉండడంతో దానిని తొలగించేందుకు కనిష్క కుమార్ బృందం సుదీర్ఘంగా శ్రమించింది.  కణితి యొక్క భారీ పరిమాణం, బరువు ,శరీర నిర్మాణ సంక్లిష్టత కారణంగా ఇది అసాధారణమైన డిమాండ్ ఉన్న కేసు అని డాక్టర్ కనిష్క కుమార్ చెప్పారు. 

సంక్లిష్టత ఉన్నప్పటికీ, పెద్ద ఇంట్రాఆపరేటివ్ సమస్యలు లేకుండా శస్త్రచికిత్స విజయవంతంగా పూర్తయిందనీ తెలిపారు. శస్త్రచికిత్సకు 8 గంటలకు పైగా నిరంతర దృష్టి, ఖచ్చితమైన వాస్కులర్ నియంత్రణ , సురక్షితమైన మరియు పూర్తి కణితి తొలగింపును నిర్ధారించడానికి అత్యంత సమన్వయంతో కూడిన జట్టు ప్రయత్నం అవసరమనీ తెలిపారు.  రోగి ప్రస్తుతం వేగంగా కోలుకుంటున్నట్టు వెల్లడించారు.   అధునాతన ఇమేజింగ్ పద్ధతులను విస్తృతంగా ఉపయోగించడం వల్ల చాలా మూత్రపిండాల క్యాన్సర్లు ప్రారంభ దశల్లోనే నిర్థారిస్తారని గుర్తు చేశారు. ఈ కేసు కాంటినెంటల్ ఆసుపత్రులలో శస్త్రచికిత్సా నైపుణ్యం మరియు అధునాతన మౌలిక సదుపాయాలకు నిదర్శనంగా నిలుస్తుందన్నారు.