కింగ్ ప్రాక్టీస్ షురూ

లండన్, మార్చి 11 : ఐపీఎల్ 2026 సీజ న్ కోసం రాయల్ ఛాలెంజర్స్ బెంగళూరు స్టార్ ఆటగాడు విరాట్ కోహ్లీ ప్రాక్టీస్ మొదలుపెట్టాడు. కోహ్లీ తాజాగా నెట్స్‌లో తీవ్రం గా ప్రాక్టీస్ చేస్తున్న వీడియోను ఇన్‌స్టాగ్రామ్ వేదికగా పంచుకున్నాడు.  ‘ఐపీఎల్ 2026’ అని క్యాప్షన్‌తో పోస్ట్ చేసిన ఈ వీడియో సో షల్ మీడియాలో వైరల్గా మారింది. కోహ్లీ చివరిసారిగా గత జనవరిలో న్యూజిలాండ్‌తో వన్డే సిరీస్ ఆడాడు. ఆ సిరీస్‌లో కోహ్లీ ఒక సెంచరీ, అర్థసెంచరీ సాయంతో టాప్ స్కోరర్‌గా నిలిచినప్పటికీ భారత్ మాత్రం 1-2 తేడాతో కివీస్‌కు సిరీస్ కోల్పోయింది.

గత ఏడాది ఐపీఎల్ విజేతగా ఆర్సీబీ నిలిచింది. ఆ సీజన్‌లో కోహ్లీ 144 ్రస్ట్రుక్‌రేట్‌తో  657 పరుగులు సాధించాడు. 17 ఏళ్ల ఐపీఎల్ చరిత్రలో ఒకే జట్టుకు కొనసాగుతూ వచ్చిన కోహ్లీ మొత్తంగా  8,661 పరుగులు సాధించాడు. ఇక గతేడాది తొలిసారి టైటిల్ సాధిం చిన బెంగళూరు జట్టు మరోసారి దానిని నిలబెట్టుకోవాలని పట్టుదలగా ఉంది. కాగా మార్చి 28 నుంచి ఐపీఎల్ సీజన్ షురూ కావాల్సి ఉన్నప్పటికీ బీసీసీఐ ఇంకా షెడ్యూ ల్ విడుదల చేయలేదు.

ఐదు రాష్ట్రాల అసెంబ్లీ ఎన్నికల కారణంగా ఈసారి ఐపీఎల్ను రెండు విడతల్లో నిర్వహించాలని ఇప్పటికే ఐపీఎల్ నిర్వాహకులు నిర్ణయం తీసుకున్నారు. కానీ పశ్చిమాసియాలో యుద్ధం కా రణంగా అంతర్జాతీయంగా విమాన సర్వీసు ల రద్దుతో విదేశీ ఆటగాళ్ల ప్రయాణాలకు ఇబ్బంది ఏర్పడడం, ఎల్పీజీ సంక్షోభంతో బెంగళూరు, ముంబైలో హోటళ్లు మూతపడడం లాంటి కారణాల వల్ల అసలు అనుకు న్న సమయానికి ఐపీఎల్ సీజన్ ప్రారంభమవుతుందా లేదా అనేది తెలియడం లేదు.