శ్రీలంకతో తొలి టెస్టు

గాలే: శ్రీలంకతో జరుగుతున్న తొలి టెస్టులో ఆస్ట్రేలియా భారీ స్కోరు సాధించింది. ఓపెనర్ ఉస్మాన్ ఖవాజా డబుల్ సెంచరీ (232)కి తోడు స్మిత్ (141), ఇంగ్లిస్ (102) సెంచరీలు బాదడంతో ఆసీస్ తొలి ఇన్నింగ్స్‌ను 6 వికెట్ల నష్టానికి 654 పరుగుల వద్ద డిక్లేర్ చేసింది. లంక బౌలర్లలో ప్రభాత్, వండర్ సే చెరో 3 వికెట్లు తీశారు.

అనంతరం బ్యాటింగ్ చేసిన లంక రెండో రోజు ఆట ముగిసే సమయానికి 3 వికెట్ల నష్టానికి 44 పరుగులు చేసింది. కమిందు (13*), చండీమల్ (9*) క్రీజులో ఉన్నారు. మరో 610 పరుగులు వెనుకబడిన లంకకు ఫాలోఆన్ గండం తప్పేలా లేదు.