నేడు భారత్, ఇంగ్లండ్ సెమీస్ l అండర్ టీ20 ప్రపంచకప్

కౌలాలంపూర్: ఐసీసీ మహిళల అం డర్ టీ20 ప్రపంచకప్‌లో నేడు భారత్, ఇంగ్లండ్ మధ్య తొలి సెమీఫైనల్ జరగనుంది. డిఫెండింగ్ చాంపియన్ హోదాలో బరిలోకి దిగిన భారత్ వరుసగా రెండోసారి ఫైనల్ చేరాలనే పట్టుద లతో ఉండగా.. ఇంగ్లండ్ మాత్రం యంగ్ ఇండియాకు చెక్ పెట్టాలని భావిస్తోంది.

టోర్నీలో ఓటమెరుగని జట్టుగా నిలిచిన భారత్ లీగ్ సహా సూపర్ సిక్స్ వరకు వరుస విజయాలతో దుమ్మురేపింది. నిక్కీ ప్రసాద్ నేతృత్వంలోని జట్టులో బ్యాటింగ్ విభాగంలో గొంగడి త్రిష, కమలిని వెన్నుముకలా నిలుస్తున్నారు. తెలుగు తేజం త్రిష 230 పరుగులతో లీడింగ్ స్కోరర్‌గా కొనసాగుతోంది.

ఇదే జోరు ను ఇంగ్లండ్‌తో సెమీస్‌లోనూ కంటిన్యూ చేస్తే ఆ జట్టుకు కష్టాలు తప్పవు.  బౌలింగ్‌లో వైష్ణవి (12 వికెట్లు), ఆయుషి శుక్లా (10 వికెట్లు) చెరో ఎండ్ నుంచి ఎదురుదాడి చేస్తున్నారు. టోర్నీ ఆరంభం నుంచి భారీ విజయాలే టార్గెట్‌గా పెట్టుకున్న నిక్కీ సేన సెమీస్‌లోనూ ఇంగ్లండ్‌పై అదే జోరు చూపించాలనుకుంటుంది. ఇంగ్లం డ్ బ్యాటర్ పెర్రిన్ 131 పరుగులతో జట్టు తరఫున టాప్ స్కోరర్‌గా ఉంది.