ఇందిరమ్మ ఇంటి పరిశీలన

సర్పంచ్ బెండారే కృష్ణాజీ

వాంకిడి,(విజయక్రాంతి): బంబార గ్రామపంచాయతీ పరిధిలోని మోహుర్లే తాను బాయికి మొదటి విడతలో మంజూరైన ఇందిరమ్మ ఇంటి నిర్మాణం పూర్తయింది. ఈ నేపథ్యంలో శుక్రవారం నిర్మాణం పూర్తయిన ఇంటిని గ్రామ సర్పంచ్ బెండారే కృష్ణాజీ, ఉపసర్పంచ్ సంతోష్, మాజీ ఉపసర్పంచ్ ప్రకాశ్ బోయిరే, గ్రామపంచాయతీ కార్యదర్శి దుర్గం ధర్మయ్యతో కలిసి ఆయన పరిశీలించారు.

ఇంటి నిర్మాణ పనుల నాణ్యతను పరిశీలించిన వారు సంతృప్తి వ్యక్తం చేశారు. ఈ సందర్భంగా సర్పంచ్ మాట్లాడుతూ... రాష్ట్ర ప్రభుత్వం అందిస్తున్న ఇందిరమ్మ గృహ పథకం ద్వారా పేద కుటుంబాలు సొంత ఇంటి కలను నెరవేర్చుకుంటున్నాయని తెలిపారు. లబ్ధిదారులు ప్రభుత్వం నిర్దేశించిన ప్రమాణాలకు అనుగుణంగా ఇళ్ల నిర్మాణాన్ని పూర్తి చేసుకోవాలని సూచించారు. ఈ కార్యక్రమంలో గ్రామానికి చెందిన ప్రజాప్రతినిధులు, గ్రామస్థులు పాల్గొన్నారు.