ఉదయాన్నే కాలకృత్యాలు తీరకపోతే రోజంతా ఇబ్బందిగానే ఉంటుంది. అయితే కొన్నిసార్లు ఆహారశైలి కారణంగా మలబద్ధకం తలెత్తి, తిరిగి రెండో రోజుకి సర్దుకుంటూ ఉంటుంది. కానీ ఇదే ఇబ్బంది పదే పదే తలెత్తుతున్నా, రోజుల తరబడి వేధిస్తున్నా సుఖ విరోచనం జరిగేందుకు తోడ్పడే పదార్థాలను తీసుకోవాలి. 

కలబంద: కలబందలో ఉండే ’ఆంథ్రాక్వినోన్స్’ అనే సమ్మేళనాలు పెద్ద పేగుల్లో నీ రు ఊరేలా చేసి, మ్యూకస్‌ను ఉత్పత్తి చేసి, పేగుల కదలికలను పెంచుతాయి. దాంతో తేలి కగా విరోచనం జరిగి మలబద్దకం వదులుతుంది. కాబట్టి అర కప్పు కలబంద గుజ్జు పరగడుపునే తీసుకుం టే ఫలితం ఉంటుంది. 

సబ్జా: నీళ్లతో కలిస్తే సబ్జా జిగురులా తయారవుతుంది. ఆ తత్వం కార ణం గా సజ్జా పేగుల్లో తేలికగా కదిలి మలబద్ధకాన్ని వదిలిస్తుంది. రాత్రంతా నీళ్లలో నానబెట్టిన సబ్జా వి త్తనాలను పరగడుపునే తాగి తే విరోచనం తేలికగా జరుగుతుంది. 

అవిసెలు: వీటిలో పీచు పదార్థం ఎక్కువగా ఉంటుంది. మలబద్దకం ఉన్నవారు వంటకాల్లో అవిసె గింజలు పొడి చేసుకుని కలుపుకుని తింటే, తగినంత పీచు శరీరానికి అందుతుంది. ఇది మలంతో కలిసి పేగుల్లో తేలికగా జారేం దుకు సహాయపడుతుంది.

ఆకుకూరలు: ఆకు కూరల్లో ఉండే మెగ్నీషియం మలాన్ని మెత్తబరిచే గుణం ఉంటుంది. అంతేకాదు. వేగుల్లో నీరు ఊరేలా చేయగల శక్తి మెగ్నీషియంకు ఉంటుంది. ఈ గుణాల వల్ల ఆకుకూరలు తింటే విరోచనం తేలికగా జరుగుతుంది. 

పండ్లు: కొందరికి తాజా పళ్లు సుఖ విరోచనానికి సహాయపడతాయి. ఆకలి తీరటంతోపాటు తలెత్తకుండా ఉండాలంటే రోజుకి కనీసం 3 రకాల పండ్లు తినాలి. నిద్రకు ముందు మగ్గిన అరటి పండు తిన్నా ఉదయాన్నే సుఖ విరోచనం అవుతుంది.

లక్షణాలు..

కడుపులో తిమ్మిరి

పొత్తికడుపులో నొప్పి

ఉబ్బరం

గ్యాస్

మలంలో రక్తం

వాంతులు

జ్వరం

వీటిని తినొద్దు..

నాన్ వెజ్ ఎక్కువగా తినకూడదు..

ప్రాసెస్డ్ ఫుడ్స్

చిప్స్, జంక్, ఆయిలీ ఫుడ్స్, ఫాస్ట్ ఫుడ్స్ తినొద్దు.

పాలు, పాల పదార్థాలు తక్కువగా తీసుకోవాలి.