పేరం వెంకటేశ్వర రావుకి ఘన సన్మానం

- మండల కాంగ్రెస్ పార్టీ అధ్యక్షునికి పలువురు శుభాకాంక్షలు

పినపాక,(విజయక్రాంతి): పినపాక మండల కాంగ్రెస్ పార్టీ అధ్యక్షులుగా నియమితులైన పేరం వెంకటేశ్వర రావు ని కాంగ్రెస్ పార్టీ శ్రేణులు, వివిధ సంఘాల నాయకులు స్థానిక జానంపేట కాంగ్రెస్ పార్టీ కార్యాలయంలో శనివారం అత్యంత ఘనంగా సన్మానించి శుభాకాంక్షలు తెలియజేశారు. ఈ సందర్భంగా ఆయనకు శాలువా కప్పి, స్వీట్లు తినిపించి అభినందనలు తెలిపారు. పేరం నాయకత్వంలో పార్టీ సిద్ధాంతాలు మరింత బలోపేతం అవుతాయని, ప్రజా సమస్యల పరిష్కారానికి ఆయన అంకితభావంతో పనిచేస్తారని నాయకులు ఆశాభావం వ్యక్తం చేశారు.