ఉపాధి హామీ పనులు ఉదయమే పూర్తి చేసుకోవాలి

నాగిరెడ్డిపేట్,(విజయక్రాంతి): మండలంలోని తాండూరు గ్రామంలో కొనసాగుతున్న ఉపాధి హామీ పనులను ఎంపీడీవో ప్రవీణ్ కుమార్ బుధవారం పరిశీలించారు. ఈ సందర్భంగా ఎంపీడీవో ప్రవీణ్ కుమార్ మాట్లాడుతూ... ఉదయం 9:00 నుండి వేసవి బాణుడు తమ ప్రతాపాన్ని చూపిస్తున్నాడని, ఉపాధి హామీ పనులు ఉదయమే పూర్తి చేసుకోవాలని తెలిపారు. వేసవిలో ఉపాధి హామీ కూలీలు జాగ్రత్తలు తీసుకుంటూ పనులు నిర్వహించుకోవాలని, ఎండలో పనులు చేసేటప్పుడు ఉపాధి కూలీలు తగు జాగ్రత్తలు తీసుకోవాలని తెలిపారు. ఉపాధి హామీ కూలీలతో సమానంగా ఎంపీడీవో ప్రవీణ్ కుమార్ క్రింద కూర్చొని సలహాలు, సూచనలు తెలియజేయంతో పాటు వారితో చర్చించారు. అనంతరం ఫోటో క్యాప్చర్ చేసుకొని వెళ్లాలన్నారు. ఈ కార్యక్రమంలో గ్రామ కార్యదర్శి తిరుపతి,ఫీల్డ్ అసిస్టెంట్ శ్రీనివాస్ ఉన్నారు.