అర్హులైన ఓటర్లను నమోదు చేయించాలి: ఎమ్మెల్యే గడ్డం వినోద్

బెల్లంపల్లి, (విజయ క్రాంతి): అర్హులైన ఓటర్ల పేర్లను నమోదు చేపించాలని SIRపై బెల్లంపల్లి ఎమ్మెల్యే గడ్డం వినోద్  నాయకులు, కార్యకర్తలకు దిశానిర్దేశం చేశారు. తాండూర్ మండల కేంద్రంలోని తాండూర్ గ్రామపంచాయతీ బీసీ కమిటీ హాల్‌లో నిర్వహించిన ప్రత్యేక సమగ్ర ఓటరు జాబితా సవరణ (SIR–2026) అవగాహన కార్యక్రమంలో బెల్లంపల్లి ఎమ్మెల్యే గడ్డం వినోద్, డీసీసీ అధ్యక్షులు పిన్నింటి రఘునాథ్ రెడ్డి తో కలసి పాల్గొన్నారు. ఈ సందర్భంగా ఆయన మండల బీఎల్‌ఏలు (BLAలు), సర్పంచులు, ప్రజాప్రతినిధులు, పార్టీ నాయకులు, కార్యకర్తలకు SIR ప్రక్రియపై సమగ్ర అవగాహన కల్పించారు.

రానున్న ఎన్నికలను దృష్టిలో ఉంచుకుని అర్హులైన ప్రతి ఒక్కరి పేరు ఓటరు జాబితాలో నమోదు అయ్యేలా, అనర్హుల పేర్ల తొలగింపు, వివరాల సవరణ వంటి అంశాల్లో బీఎల్‌ఏలు బాధ్యతాయుతంగా పనిచేయాలని పిలుపునిచ్చారు. ప్రతి ఓటు ప్రజాస్వామ్యానికి ఎంతో విలువైనదని, ప్రజల ఓటు హక్కులను పరిరక్షించడం ప్రతి ఒక్కరి బాధ్యతని పేర్కొన్నారు. SIR ప్రక్రియపై ప్రజల్లో విస్తృత అవగాహన కల్పించాలని, ఇంటింటికీ వెళ్లి అర్హులైన ఓటర్లకు అవసరమైన సూచనలు అందించాలని బీఎల్‌ఏలకు సూచించారు. ఓటరు జాబితా ప్రత్యేక సమగ్ర సవరణ కార్యక్రమాన్ని విజయవంతం చేసేందుకు ప్రతి ఒక్కరూ సమన్వయంతో పనిచేయాలని కోరారు.