ఎంపీ అశోక్ మిట్టల్‌ వ్యాపార సంస్థలపై ఈడీ దాడులు

న్యూఢిల్లీ:  FEMA విచారణలో భాగంగా, పంజాబ్, హర్యానా రాష్ట్రాల్లోని ఆమ్ ఆద్మీ పార్టీ (Aam Aadmi Party) రాజ్యసభ సభ్యుడు అశోక్ కుమార్ మిట్టల్‌కు(MP Ashok Mittal) చెందిన వ్యాపార, నివాస ప్రాంగణాల్లో ఎన్‌ఫోర్స్‌మెంట్ డైరెక్టరేట్ బుధవారం దాడులు నిర్వహించిందని అధికారులు తెలిపారు. జలంధర్, గురుగ్రామ్‌లలోని సుమారు 10 ప్రాంతాలను విదేశీ మారక ద్రవ్య నిర్వహణ చట్టం (Foreign Exchange Management Act) నిబంధనల పరిధిలోకి తీసుకువస్తున్నారు. 

ఫగ్వారాలోని లవ్లీ ప్రొఫెషనల్ యూనివర్సిటీ (Lovely Professional University) ప్రాంగణంతో పాటు, గురుగ్రామ్‌లో ఉన్న టెటర్ కాలేజ్ ఆఫ్ బిజినెస్, మాస్టర్స్ యూనియన్ కాలేజ్ ఆఫ్ బిజినెస్ అనే రెండు అనుబంధ విద్యాసంస్థలు కూడా ఇందులో ఉన్నాయని ఈడీ అధికారులు తెలిపారు. 61 ఏళ్ల వ్యాపారవేత్త, విద్యావేత్త అయిన మిట్టల్, ఇటీవల రాఘవ్ చద్దా స్థానంలో ఆమ్ ఆద్మీ పార్టీ రాజ్యసభ ఉప నాయకుడిగా నియమితులయ్యారు. జలంధర్, ఫగ్వారాలతో పాటు మరికొన్ని ఇతర ప్రాంతాల్లోనూ, మిట్టల్‌తో సంబంధం ఉన్న పలు వ్యాపార సంస్థల్లో సోదాలు నిర్వహిస్తున్నట్లు అధికారులు తెలిపారు. ఈ చర్య విదేశీ మారక ద్రవ్య నిర్వహణ చట్టం (FEMA) కింద చేపడుతున్నట్లు ప్రకటించారు.